Јемтланд (швед. Jämtlands län) е округ (län) во средна Шведска. Ги опфаќа покраините Јемтланд и Херједален, заедно со мали делови од Хелсингланд и Онгерманланд, како и незначително ситни ненаселени делчиња од Лапонија и Даларна. Округот зафаќа 49.443 км2 или 12% од територијата на Шведска и е трет по големина во земјата. Административен центар е градот Естерсунд, кајшто е сместен окружниот одбор. На чело на одборот стои управник. Округот Јемтланд се граничи со окрузите Даларна, Јевлеборг, Вестернорланд и Вестерботен во Шведска и норвешките окрузи Северен Тренделаг и Јужен Тренделаг.
| Јемтланд Jämtlands län | |||
|---|---|---|---|
| Округ | |||
| |||
| Земја | Шведска | ||
| Админ. центар | Естерсунд | ||
| Управа | |||
| • Управник | Брит Болин Олсон | ||
| • Совет | Окружен совет на Јемтланд | ||
| Површина | |||
| • Вкупна | 49.444 км2 (19,090 ми2) | ||
| Население (31 март 2011)[1] | |||
| • Вкупно | 126.573 | ||
| • Густина | 2,6/км2 (6,6/ми2) | ||
| Час. појас | CET (UTC+1) | ||
| • Лето (ЛСВ) | CEST (UTC+2) | ||
| БДП (ном.) | 27.628 милиони круни (2004) | ||
| БДП/жит | 215.000 круни | ||
| NUTS | SE322 | ||
Јемтланд е формиран во 1810. Првично ги опфаќал само покраините Јемтланд и Херједален, поради што штитот (грбот) ги комбинира само грбовите на тие две покраини.
Покраина
Округот Јемтланд главно се состои од покраините Јемтланд и Херједален, со мали делови од Хелсингланд и Онгерманланд и мали ненаселени делчиња од Лапонија и Даларна.
Управа
Главна цел на окружниот административен одбор е спроведување на целите утврдени во парламентот и владата, усогласување на локалните и државните интереси, унапредување на развојот во округот, воспоставување на регионални цели, запазување на јавниот ред и раководење со правните постапки. Окружниот административен одбор е владина служба на чие чело стои управник. Јемтланд има и окружен совет (Jämtlands Läns Landsting).
Демографија
Округот е ретко населен, со тоа што над една третина од населението е селско. Со тоа Јемтланд е второ по големина рурално подрачје во Шведска, веднаш по Готланд. Останатите две третини од луѓето живеат во густо населеното подрачје околу езерото Стуршен наречено „Стуршебигден“ (Storsjöbygden).
Општини
- Берг
- Бреке
- Естерсунд
- Крокум
- Оре
- Рагунда
- Стремсунд
- Херједален
Наводи
Поврзано
Надворешни врски
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
