![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/8/8f/Polygonum_persicaria_bgiu.jpg/640px-Polygonum_persicaria_bgiu.jpg&w=640&q=50)
Троскоти
семејство растенија / From Wikipedia, the free encyclopedia
Троскоти (науч. Polygonaceae) — семејство цветни растенија со околу 1.200 видови[2] распоредени во 48 родови.[3] Најголем од нив е родот на дивата хелда (Eriogonum, 240 вида), а потоа доаѓаат штавелот (Rumex, 200 видови), морското грозје (Coccoloba, 120 видови), повитот (Persicaria, 100 видови) и красночленката (Calligonum, 80 видови).[4][5] Семејството распространето ширум целиот свет, но има најголема разновидност во северниот умерен појас.
Троскоти | |
---|---|
![]() | |
Дворски повит (Polygonum persicaria) | |
Научна класификација | |
Царство: | Растенија |
Нерангирано: | Скриеносеменици |
Ред: | Каранфиловидни |
Семејство: | Троскоти Juss.[1] |
Потсемејства | |
Polygonoideae |
Неколку видови од семејството се одгледуваат како украсни.[6] Мал број други од родот на мравјите дрва (Triplaris) даваат дрвена граѓа.[2] Плодот на морско грозје (Coccoloba uvifera) се јаде, а во Флорида од него се прави мармалад и се нуди во малопродажбата.[7] Семето на вида хелда (Fagopyrum) се одгледува за исхрана. Лисните дршки на ревенот (Rheum rhabarbarum и вкрстениците) исто така се во редовна продажба како храна. Листовите на обичниот киселец (Rumex acetosa) се јадат во салати и зготвени како лиснат зеленчук.[8]
Во семејството на троскотите се вбројуваат најопасните корови на светот, особено од родовите Persicaria, Emex, Rumex и Polygonum.[2]