Countdown (песна на Бијонсе Ноулс)
From Wikipedia, the free encyclopedia
„Countdown“ е песна од американската Р&Б пејачка Бијонсе Ноулс за нејзиниот четврт студиски албум, 4 (2011). Напишана е од The-Dream, Ши Тејлор, Ноулс, Естер Дин, Кајнон Ламб, Џули Фрост, Мајкл Бивинс, Натан Морис, Ванја Морис, а продуцирана од Ноулс, Тејлор и Лемб. „Countdown“ е забрзана песна во која инструменти се дувачките инструменти и тапаните. Песната го презела пребројувањето од „Uhh Ahh“ изведена од Boyz II Men, а Ноулс додала дополнителен текст помеѓу броењето од десет до еден.
„Countdown“ | |
---|---|
Песна од Бијонсе Ноулс | |
од албумот 4 | |
Снимена | МСР Студио (Њујорк Сити) |
Жанр | Р&Б |
Должина | 3:34 |
Марка | Columbia |
Песнописец | The-Dream, Ши Тејлор, Ноулс, Естер Дин, Кајнон Ламб, Џули Фрост, Мајкл Бивинс, Натан Морис, Ванја Морис |
Продуцент(и) | Б. Ноулс, Ш. Тејлор, Лемб |
Следејќи го протекувањето на 4 на интернет, три недели пред официјалниот датум на издавање на албумот, „Countdown“ добила тешка ротација на радијата што имало влијание на нејзиното искачување на седумдесет и петтото место на табелата во САД, Хот Р&Б/Хип-Хоп Песни. Ноулс ја кажала концепцијата на „Countdown“, изјавувајќи дека користела жанрови од 1990-тите и 1970-тите и нејзините искуства со турнеите, патувањата, гледањето на рок бендовите и присуствувањето на фестивали. Критичарите го пофалиле бметнувањето на песната во албумот од кои повеќето забележале дека тоа бил неопходен избор, за целиот албум да не доминита со балади. Критичарите дополнително ја споредиле песната со другите песни издадени од Ноулс, вклучувајќи ги „Check on It“ (2005), „Get Me Bodied“ (2007) и „Video Phone“.