![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/a/aa/Caucasus-ethnic_mk.svg/langmk-640px-Caucasus-ethnic_mk.svg.png&w=640&q=50)
Кавкаски јазици
From Wikipedia, the free encyclopedia
Кавкаските јазици се голема и разнолика група јазици кои ги говорат повеќе од 10 милиони луѓе во регионот на Кавкаските Планини, помеѓу Црното Море и Каспиското Езеро. Со лингвистичката споредба помеѓу различните јазици во овој регион тие се поделиле во три големи групи.
![Thumb image](http://upload.wikimedia.org/wikipedia/commons/thumb/a/aa/Caucasus-ethnic_mk.svg/640px-Caucasus-ethnic_mk.svg.png)
Јазиците на кавкаските народи ги одразуваат историските прилики во кои се развивале. Планината Кавказ претставува важна јазична меѓа. Така, покрај индоевропските, семитските и турско-монголските јазици, во овој регион се зборуваат и чеченскиот јазик, аваро-андскиот јазик, апхаскиот јазик, адигејскиот јазик (со два главни дијалекта - кабардински и черкески) и грузискиот јазик. Притоа, источно-кавкаските и западно-кавкаските јазици се сродни меѓу себе, а јужно-кавкаските јазици значително се разликуваат од останатите кавкаски јазици.[1]