![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/b/bd/Proportions_of_the_Head.jpg/640px-Proportions_of_the_Head.jpg&w=640&q=50)
Човечка глава
From Wikipedia, the free encyclopedia
Во анатомијата, човечката глава (латински: caput) е горниот дел од телото на човекот. Главата се граничи кон вратот со линија која оди по долниот раб на долната вилица, долниот раб на надворешниот ушен отвор и мастоидниот продолжеток и преку горната тилна линија (linea nuchae superior), доаѓа до надворешното тилно испакнување (protuberantia occipitalis externa).
За други значења на поимот, погл. Глава (појаснување).
![Thumb image](http://upload.wikimedia.org/wikipedia/commons/thumb/b/bd/Proportions_of_the_Head.jpg/640px-Proportions_of_the_Head.jpg)
На главата се разликуваат два дела: череп (cranium) и лице (facies). Лицето, придодадено на преднодолниот дел од черепот, се граничи од него со линија која оди од коренот на носот, па преку горниот раб на орбитата и работ на јагодичната коска доаѓа до долниот раб на надворешниот ушен отвор.[1] [2]