Чаушли
село во Општина Дојран From Wikipedia, the free encyclopedia
село во Општина Дојран From Wikipedia, the free encyclopedia
Чаушли — село во Општина Дојран, во областа Беласица, во југоисточниот дел на Македонија. Денес, од селото нема никакви видливи остатоци.
Чаушли | |
Воздушен поглед на местоположбата на селото Чаушли | |
Координати 41°15′54″N 22°38′59″E | |
Регион | Југоисточен |
Општина | Дојран |
Област | Беласица |
Население | 0 жит. (поп. 2021)[1] |
Пошт. бр. | 2460 |
Повик. бр. | 034 |
Шифра на КО | 06032 |
Надм. вис. | 410 м |
Чаушли на општинската карта Атарот на Чаушли во рамките на општината | |
Чаушли на Ризницата |
Селото се наоѓа во северниот дел на територијата на Општина Дојран, чиј атар се допира со територијата на Општина Валандово.[2] Селото е ридско, сместено на надморска височина од 410 метри.[2]
Селото се наоѓа на северната падина на планината Боска. На мало растојание на југ е селото Ѓопчели. Кај селото извира Чаушлиска Река, која минува низ него, продолжува низ мала акумулација во месноста Чаушлиско Поле, па течејќи на север се влева во Луда Мара.
До селото води земјен пат, кој се двои од локалниот пат кој води до дојранското село Ѓопчели, кој пак се двои од регионалниот пат 1105.
Тука во 1916 година е погребан бугарскиот педагог и општественик од швајцарско потекло Луј Ајер, кој загинал како офицер во битката кај Дојран таа година.
Само 1 жител на оваа населба е заведен како жртва во Втората светска војна.[3]
Атарот на селото зафаќа простор од 4,4 км2.[2]
|
| |||||||||||||||||||||||||||||||||
Според податоците од 1873 година во „Етнографија на вилаетите Адријанопол, Монастир и Салоника“, селото имало 35 домаќинства со 64 жители муслимани.[4]
Според статистиката на Васил К’нчов („Македонија, Етнографија и статистика“) од 1900 година, во Чаушли живееле 175 жители, сите Турци.[5]
Според германска карта издадена во 1941 година, а заснована на пописот на Кралството Југославија од 1931 година, селото имало 25 до 50 Турци.[6]
Селото е наполно раселено по 1961 година, кога што броело 12 жители.[2]
Според пописот од 2002 година, Чаушли немало ниеден жител.[7] Истото било потврдено и на пописот од 2021 година.
Во табелата во продолжение е направен преглед на населението во сите пописни години:
Година | 1900 | 1905 | 1948 | 1953 | 1961 | 1971 | 1981 | 1991 | 1994 | 2002 | 2021 |
---|---|---|---|---|---|---|---|---|---|---|---|
Население | 175 | — | 116 | 132 | 12 | 0 | 0 | 0 | 0 | 0 | 0 |
На крајот од XIX век, Чаушли било чисто турско село во Дојранската Каза на Отоманското Царство.
Селото влегува во рамките на Општина Дојран, една од малкуте општини кои не биле изменети со новата територијална поделба на Македонија во 2004 година. Во периодот од 1996-2004 година, селото било во рамките на некогашната Општина Стар Дојран.
Во периодот 1955-1996 година, селото се наоѓало во рамките на големата Општина Гевгелија.
Во периодот 1952-1955, селото било дел од тогашната општина Дојран, во која покрај селото Чаушли се наоѓале селата Ѓопчели, Николиќ, Нов Дојран, Сретеново, Стар Дојран, Фурка и Црничани. Во периодот 1950-1952, селото било дел од некогашната општина Нов Дојран, во која влегувале селата Ѓопчели, Николиќ, Стар Дојран, Сретеново, Фурка, Чаушли и Црничани.
Селото е опфатено во избирачкото место бр. 0381 според Државната изборна комисија, сместено во просториите на основното училиште во Куртамзали. Во избирачкото место се опфатени населените места: Дурутли, Куртамзали, Органџали, Севендекли, Чаушли и Џумабос.[12]
На претседателските избори во 2019 година, на ова избирачко место биле запишани вкупно 120 гласачи.[13] На локалните избори во 2021 година, на ова избирачко место биле запишани вкупно 115 гласачи.[14]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.