Црн носорог
From Wikipedia, the free encyclopedia
Црниот носорог (науч. Diceros bicornis) е вид на носорог кој ги населува териториите на источна и централна Африка вклучувајќи ги Кенија, Танзанија, Камерун, Јужна Африка, Намибија и Зимбабве. Иако се нарекува црн, сепак тој има сиво-бела боја на кожа.
Црн носорог | |
---|---|
Научна класификација | |
Царство: | Животни |
Колено: | Хордати |
Класа: | Цицачи |
Ред: | Perissodactyla |
Семејство: | Rhinocerotidae |
Род: | Diceros |
Вид: | D. bicornis |
Научен назив | |
Diceros bicornis Linnaeus, 1758 | |
Подвидови | |
Diceros bicornis michaeli | |
Распространетост на црниот носорог |
Името на овој носорог е дадено за да се разликува од белиот носорог (Ceratotherium simum). Ова именување е малку збунувачко со оглед на фактот дека бојата на овие два вида е доста слична. Зборот бел (white на англиски) е погрешен превод на холандскиот збор weit, што значи широк, и се однесува на описот на горната усна на овој вид, која е различна од испакнатата усна на црниот носорог.
На 7 јули 2006 година Меѓународниот сојуз за заштита на природата (IUCN) објави дека еден од четирите подвида Западноафриканскиот црн носорог (Diceros bicornis longipes) е привремено ставен на списокот на изумрени видови[2].
Се претпоставува дека постојат околу 3600 единки на црн носорог.