Црква „Св. Илија“ - Бањане

Св. Илија Горни — црква во скопското село Бањане, Општина Чучер-Сандево. Му припаѓа на Северноскопското архијерејско намесништво во Скопската епархија на МПЦ - ОА. Претставува храм на истоимениот манастир. Црквата е прогласена за културно наследство на Македонија.^[1]

Свети Илија
Поглед на црквата
македонска православна црква
Епархија	Скопска
Архијерејско намесништво	Северноскопско
Местоположба
Координати	42°7′48″N 21°23′15″E
Место	Бањане
Општина	Чучер-Сандево
Држава	Македонија
Општи податоци
Покровител	Свети Илија
Завршено	XIV век
Архитектонски опис
Архит. тип	еднокорабна

Сместена е на падините на Скопска Црна Гора, недалеку од селото и долината на Бањанска Река.^[2]

Манастирската црква мала еднокорабна градба со тристрана олтарна апсида од исток, изградена во XIV век. Од северната страна црквата е споена со карпа која ѝ дава необичен изглед. Внатрешноста е покриена со живопис од кој се распознаваат два слоја. Првиот е постар и датира од самата изградба на црквата.^[2]

Во 1846 година иконостасните икони се обновени од Дичо Зограф, што е наведено на парапетната плоча на иконостасот под престолната икона на Исус Христос Седржител, потпишана и датирана со 1846. Негови се и осумте апостолски икони.^[3]

Слики

• 
  Влезот на црквата
• 
  Живопис во внатрешноста
• 
  Конаците
• 
  Манастирскиот двор

Поврзано

• Северноскопско архијерејско намесништво

Наводи

1. Список на заштитени добра. Состојба до 31.12.2012. Скопје: Управа за заштита на културното наследство.
2. „Св. Илија Горни, с. Бањани, Cкопско“. Macedonium. Посетено на 5 април 2014.
3. „Иконописното творештво на Дичо Зограф во Скопје и Скопскиот регион“. Премин Портал. Посетено на 23 март 2015.

Надворешни врски

• Црква „Св. Илија“ - Бањане на Ризницата ^?