Црква „Св. Ѓорѓи“ - Вранештица

Свети Ѓорѓи — доцносредновековна селска црква во кичевското село Вранештица, Македонија.^[1] Прогласена е за споменик на културата на Македонија.

Свети Ѓорѓи
Поглед на црквата
македонска православна црква
Епархија	Дебарско-кичевска
Архијерејско намесништво	Кичевско
Парохија	Прва кичевска
Местоположба
Координати	41°26′35.68″N 21°01′47.97″E
Место	Вранештица
Општина	Кичево
Држава	Македонија
Општи податоци
Покровител	Свети Ѓорѓи
Архитектонски опис
Архит. тип	еднокорабна

Самата црква всушност е означена како археолошко наоѓалиште од типот доцносредновековна црква и некропола.^[2]

Мештаните за црквата кажуваат дека е „римска“. Околу нејзе се наоѓаат гробишта за жителите на Горното Маало на селото Вранештица.^[3]

Местоположба

Црквата се наоѓа непосредно до селото, од јужната страна, на мала височинка.^[2] Сместено е во Горно Маало на селото.^[4]

Околу неа има некропола со гробови од камени плочи.^[2]

Историја

Била подигната во XVI-XVII век.^[2] Според историчарите на уметноста црквата била изградена кон крајот на XVI век.^[5]

Сепак, други извори наведуваат дека таа е подигната и живописана со помош на „мали и велики“ (жители) во времето на турскиот султан Бајазит и епископот кир Герасим, најверојатно во 1498/1499 година.^[4]

Архитектура

Има правоаголна основа со мали димензии и покрив на две води од камени плочи, а на источната страна мала полукружна апсида.^[2] Црквата е еднокорабна.^[4]

Фрескоживопис

Црквата поседува фрескоживопис.^[2] Била живописана за само 20 дена од Димитар Зограф, кој се потпишал инверзно на крајот од ктиторскиот натпис.^[4]

Во сликаната програма внимание привлекува царскиот Деисис, со Христос, Богородица и Јован Крстител, потоа претставата на патронот Св. Ѓорѓи во благородничка облека и Св. Никола со епитет Крмител.^[4]

Црквата поседувала фасаден живопис, кој е делумно зачуван.^[4]

Галерија

• 
  Гробишта околу црквата
• 
  Припратата на црквата
• 
  Апсидата
• 
  Помошниот објект

Поврзано

• Кичевско архијерејско намесништво
• Прва кичевска парохија
• Вранештица

Наводи

1. Јелена Павловска, Наташа Ниќифоровиќ и Огнен Коцевски (2011). Валентина Божиновска (уред.). Карта на верски објекти во Македонија. Менора - Скопје: Комисија за односи во верските заедници и религиозните групи. ISBN 978-608-65143-2-7.
2. Коцо, Димче (1996). Археолошка карта на Република Македонија. Скопје: МАНУ. ISBN 9789989101069
3. Трифуноски, Јован (1968). Кичевска котлина: Селски населби и население. Белград: Српска академија на науките и уметностите. стр. 110.
4. Ристовски, Блаже, уред. (2009). „„Свети Ѓорѓи"“. Македонска енциклопедија. , книга II (М-Ш). Скопје: МАНУ. стр. 1324. Text "series " ignored (help)
5. „Дебарско-кичевска епархија“. web.archive.org. 2014-03-04. Архивирано од изворникот на 2014-03-04. Посетено на 2020-11-24.

Надворешни врски

• Црква „Св. Ѓорѓи“ - Вранештица на Ризницата ^?