Хасехемви

Хасехемви (околу 2690 г. п.н.е., Ḫꜥj-sḫm.wj , исто така и Ха-сехемви) бил последниот крал на Втората династија на Египет. Малку е познато за него, освен дека водел неколку значајни воени походи и ја изградил тврдината позната како Шунет Ел Зебиб.

Хасехемви
Статуа на Хасехемви, Ashmolean Museum
Фараон на Египет
Владеел	18 години, околу 2690 г. п.н.е., Втора династија
Претходник	Сехемиб-Перенмаат или Сет-Перибсен
Наследник	Џосер (најверојатно) или Санахте
Владетелски звања Хорово име: Khasekhem Ḫꜥj-sḫm "Хор, оној чија моќ се појавува" Second Horus name: Khasekhemwy Ḫꜥj-sḫm.wj Хор, оној чии две моќи се појавуваат Horus-Seth-name Hor-Seth Khasekhemwy Netjerwy Hetepimef (Ḥr -Stẖ) ḫꜥj sḫm.wj ḫtp nṯrwj jm=f „Двете моќи се во мир во него“ Небтиско име:  Khasekhemwy Nebwkhetsen Nb.tj-ḫꜥj-sḫm.wj-nbw-ḫt-sn Две моќи се појавуваат, нивното тело е од злато Кралски список од Абидос Djadjay Ḏꜣḏꜣj Сакара таблет Beb(e)ty Bbtj Кралски список од Торино Beb(e)ty Bbtj [1]
Сопружници	Нимаетап?
Деца	Џосер Хетепхернебти можеби Санахте
Починал	2686 г. п.н.е.
Закопан	Гроб V во Ум ел Кааб
Споменици	Шунет ез Зебиб, тврдина во Нехен,[2] Гиср ел-Мудир ?

Неговото Хорово име Ḫꜥj-sḫm.wj може да се толкува „Две моќни сили се појавија“,^[3] но името е запишано во многу варијанти, како што е Hr-Ḫꜥj-sḫm „Хор, оној чија моќ се појавува", ḫꜥj sḫm.wj ḫtp nṯrwj jm = f „две сили се појавуваат така што предците се одмараат во него“ (итн.)^[4]

Владеење

Хасехемви владеел речиси 18 години, во почетокот на 27 век п.н.е. Точниот датум на неговото владеење во египетската хронологија е нејасен, но е приближно помеѓу 2690 – 2670 г. п.н.е.

Според проучувањето на Тоби Вилкинсон на Кралските анали од древен Египет од Каменот од Палермо, Хасехемви владеел 17,5 или речиси 18 години.

Животопис

Хасехемви бил наследник на Сет-Перибсен, иако некои египтолози веруваат дека друг фараон, Касехем, владеел меѓу нив. Меѓутоа, повеќето научници веруваат дека Касехем и Хасехемви се всушност иста личност.^[5] Касехем можел да го смени своето име во Хасехемви откако тој го споил Горниот и Долниот Египет по граѓанска војна меѓу следбениците на боговите Хор и Сет. Други веруваат дека тој го поразил владеачкиот крал, Сет-Перибсен, откако се вратил во Египет по угушувањето на бунтот во Нубија.

Хасехемви е уникатен во египетската историја бидејќи ги има двата симболи на Хор и на Сет на неговиот серех. Некои египтолози сметаат дека ова е обид да се обединат двете фракции; но по неговата смрт, Сет бил постојано отфрлен од серехот. Тој бил најстариот египетски крал за кој се знае дека изградил статуи за себе.

Хасехемви изградил тврдина во Нехен, и во Абидос (сега позната како Шунет ез Зебиб) и бил погребан таму во некрополата во Ум ел-Кааб. Тој, исто така, можеби го изгради Гиср ел-Мудир во Сакара.

Семејство

Жената на Хасехемви била кралицата Нимаатап, мајка на децата на кралот. Тие биле родители на Џосер и на сопругата на Џозер, Хетепхернебти.^[6] Исто така е можно дека син на Хасехемви бил Санахте.

• 
  Сад од варовник со златен капак од гробот на Хасехемви
• 
  Статуа на Хасехемви
• 
  Преживеаните остатоци од гробот на Хасехемви во Ум ел-Кааб
• 
  Статуа на Хасехемви, египетски музеј, Каиро
• 
  Камена вазна со натпис Хасехемви, Националниот археолошки музеј (Франција)

Библиографија

„Хасехемви“ на Ризницата ?

• Тоби Вилкинсон, Кралски анали на древниот Египет: Каменот на Палермо и неговите поврзани фрагменти, (Кеван Паул Интернационал), 2000.
• Египет: Khasekhem / Khasekhemwy на 2-ри династија на Египет

Наводи

1. Alan H. Gardiner: Кралски канон од Торино.
2. Khasekhemwy's fort Архивирано на 3 септември 2012 г.
3. Питер Клејтон, Хроника на фараоните, Темза и Хадсон ООД, 2006 мат., Стр. 26
4. Јирген фон Беккерат, Handbuch der ägyptischen Königsnamen (1999).
5. King Khasekhem [{{{1}}} Архивирано] на {{{2}}}.
6. Предлошка:Dodson, p. 48