From Wikipedia, the free encyclopedia
Јувентус Некст Џен[1] е вториот тим на Јувентус, фудбалски клуб од Италија со седиште во градот Торино. Моментално се натпреварува во Серија Ц, третото ниво на италијанскиот фудбал.
Јувентус Некст Џен | ||||
---|---|---|---|---|
Целосно име | Јувентус Некст Џен | |||
Држава | Италија | |||
Прекар | Јувентус Б | |||
Основан | 3 август 2018; пред 5 години (како Јувентус У23) | |||
Локација | Торино, Италија | |||
Бои | црна и бела | |||
Стадион | Џузепе Мокагата | |||
Капацитет | 5,827 | |||
Претседател | Џанлука Фереро | |||
Тренер | Масимо Брамбиља | |||
Лига | Серија Ц | |||
2023–24 | Серија Ц - група А, 7-мо | |||
Мреж. место | Официјално мрежно место | |||
| ||||
Тековна сезона |
Основана во 2018 година, под името Јувентус У23, своето сегашно име го добива во 2022 година.[1] Тимот, кој бил прв со ваков вид на функција во земјата од 1976 година (година на укинувањето на Кампионато Де Мартино),[2] е еден од трите, заедно со машкиот прв тим и женскиот прв тим, кои го претставуваат клубот Јувентус на професионално ниво[2] – иако Нект Џен е подложен на ограничувања и во однос на возраста и во строго спортско-социјалната сфера - како и, севкупно, вториот по хиерархиски редослед во машкиот сектор на Јувентус, кој следи зад првиот тим и му претходи на Примавера тимот до 19 години кој припаѓа на младинскиот сектор.[2]
Генезата на тимот на Јувентус до 23 години влече корени во сезоната 2017-2018, кога клубот од Торино, во очекување на федерална реформа во оваа смисла, веќе формирал неофицијална структура со цел да може да го следи патот и растот на своите млади играчи кога ќе направат скок од академијата во професионалните води.[3]
Тимот, со оригинално име Јувентус У23, официјално бил формиран на 3 август 2018 година[2] по повторното воведување на резервни тимови во италијанскиот фудбал и бил регистриран, според федералните одредби, како нов тим во Серија Ц првенството..[4] Откако се погрижиле да "опстанат" во истата лига во дебитантската година,[5] во следните сезони Јувентус имал повеќе успех во третата дивизија и неколку пати се квалификувал за плејофот за промоција; дополнително во 2020 година, во својата втора сезона на активност, предводен од тренерот Фабио Пекија и капитенот Рафаеле Алчибјаде тимот го освоил Купот на Италија Серија Ц, што било прв пат во историјата на натпреварувањето трофејот да го освои некој втор тим.[6]
Од 26 август 2022 година, името на клубот било сменето во Јувентус Некст Џен.[1]
Јувентус Некст Џен ги игра своите домашни натпревари на стадионот Џузепе Мокагата во Алесандрија, кој го дели со Алесандрија.[7] Во посебни случаеви, доколку е потребно, може да го користи и објектот на машкиот прв тим, Стадионот Јувентус.[8]
Тренинзите на клубот се одржуваат во Јувентус Тренинг Центарот (ЈТЦ) во Виново;[9] сепак, Јувентус Некст Џен понекогаш го дели и другиот тренинг центар во Континаса, Торино, со првиот тим на Јувентус.[2]
|
|
|
Last updated: 22 July 2022
Source: Juventus.com
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.