![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/1/11/TomCruiseDec08MTV.jpg/640px-TomCruiseDec08MTV.jpg&w=640&q=50)
Том Круз
From Wikipedia, the free encyclopedia
Томас Круз Мапотер IV (англиски: Thomas Cruise Mapother IV; роден на 3 јули 1962), подобро познат по неговото филмско име Том Круз — американски глумец и филмски продуцент. Магазинот Forbes го класифицираше како најславна личност во светот во 2006 година. Тој беше номиниран за три оскари, и освои три Златни Глобуси. Неговата прва водечка улога беше во 1983 година во филмот „Ризични бизниси“. По одигрување на улогата на херојски поморски пилот во популарниот и финансиски успешниот филм „Топ Ган“, Круз продолжи во овој стил глумејки таен агент во трилогијата на акциони филмови „Невозможна Мисија“ во 1996, 2000 и 2006 година. Покрај овие херојски улоги, тој исто играше и други улоги, како на пример женомрзечки машки гуру во филмот „Магнолија“ (1999) и ладен и пресметлив социопат и платен убиец во крими-трилерот на Мичел Ман, „Колатерал“ (2004).
Том Круз | |
---|---|
![]() Том Круз на MTV Live во декември 2008 | |
Роден(а) | Томас Круз Мапотер IV |
Активен | 1981-сега |
Сопружник | Мими Роџерс (1987–1990) Никол Кидман (1990–2001) Кејти Холмс (2006–2012) |
Мреж. место | http://www.tomcruise.com/ |
![]() | Оваа статија можеби бара дополнително внимание за да ги исполни стандардите за квалитет на Википедија. Ве молиме подобрете ја оваа статија ако можете. |
![]() | Оваа статија или заглавие има потреба од викифицирање за да ги исполни стандардите за квалитет на Википедија. Ве молиме помогнете во подобрувањето на оваа статија со соодветни внатрешни врски. |
Во 2005 година економистот Едвард Џеј Епстејн изјави дека Круз е еден од ретките продуценти (покрај Џорџ Лукас, Стивен Спилберг и Џери Брукхеијмер) кои се способни да гарантираат успех на милијарда филмски лиценци. Од 2005 година, Круз и Паула Вагнер беа одговорни за филмското студио „Обединети артисти“, со Круз како продуцент и ѕвезда и Вагнер како генерален директор. Круз е исто така познат за неговата поддршка за приврзаност кон Саентолошката црква.