![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/f/f5/Objektot_na_MRT_-_Makedonska_Radio_Televizija_vo_Skopje.jpg/640px-Objektot_na_MRT_-_Makedonska_Radio_Televizija_vo_Skopje.jpg&w=640&q=50)
Телевизија во Македонија
From Wikipedia, the free encyclopedia
Телевизијата во Македонија — за прв пат претставена во педесетите години на 20 век, а во 1964 година започнало емитувањето на сигналот на Телевизија Скопје. Денес во Македонија има број на слободни и заклучени телевизиски содржини кои се достапни преку различни сервиси, на кои има повеќе од 200 домашни, регионални и странски телевизиски станици.
![Thumb image](http://upload.wikimedia.org/wikipedia/commons/thumb/f/f5/Objektot_na_MRT_-_Makedonska_Radio_Televizija_vo_Skopje.jpg/640px-Objektot_na_MRT_-_Makedonska_Radio_Televizija_vo_Skopje.jpg)
Од 1 јуни 2013 година телевизиската содржина во Македонија се создава во дигитален формат, по гасењето на аналогниот земски сигнал низ целата држава. Дигиталната содржина е достапна преку земска мрежа, сателит, кабелска мрежа и интернет телевизија. Сепак, дел од кабелските оператори преку својата мрежа сè уште емитуваат аналоген сигнал.
Агенцијата за аудио и аудиовизуелни медиумски услуги е задолжена за контрола на содржината која ја емитуваат домашните телевизиски станици и програмите што се реемитувани од телекомуникациските оператори.