![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/f/f6/%25D0%25A2%25D0%25B0%25D0%25BB%25D0%25B8%25D0%25BD%25D1%2581%25D0%25BA%25D0%25B8_%25D0%2597%25D0%25B0%25D0%25BB%25D0%25B8%25D0%25B2.svg/langmk-640px-%25D0%25A2%25D0%25B0%25D0%25BB%25D0%25B8%25D0%25BD%25D1%2581%25D0%25BA%25D0%25B8_%25D0%2597%25D0%25B0%25D0%25BB%25D0%25B8%25D0%25B2.svg.png&w=640&q=50)
Талински Залив
залив во Естонија / From Wikipedia, the free encyclopedia
Талински Залив (естонски: Tallinna laht) — залив во Естонија, во јужниот дел на поголемиот Фински Залив. Наречен е по главниот град, Талин, кој е сместен на неговиот јужен брег.
![Thumb image](http://upload.wikimedia.org/wikipedia/commons/thumb/f/f6/%D0%A2%D0%B0%D0%BB%D0%B8%D0%BD%D1%81%D0%BA%D0%B8_%D0%97%D0%B0%D0%BB%D0%B8%D0%B2.svg/320px-%D0%A2%D0%B0%D0%BB%D0%B8%D0%BD%D1%81%D0%BA%D0%B8_%D0%97%D0%B0%D0%BB%D0%B8%D0%B2.svg.png)
Самиот залив е поделен на неколку дела: Талинско Сидриште (Tallinna reid), Коплиски Залив, Какумјавски Залив и Палјасарски Залив. По северната граница на заливот се сместени островите Најсар и Аегна, а источната граница ја образува полуостровот Вимси.
Крајбрежните води се плитки, но нагло стануваат длабоки. Стрмното дно овозможува добра размена на водите меѓу Талинскиот и Финскиот Залив.[1] Ова е еден од најдлабоките заливи во Естонија, и достигнува 100 м.[2]
Стариот дел на градот (Ваналин) е сместен крај засолнетиот дел на заливот, на кој излегува патничкото пристаниште.[1] Палјасарскиот Залив и Бекерското пристаниште кај Коплискиот Залив се неманети за товарни пловила. На бреговите има неколку јавни плажи: Пирита, Строми, Какумјае и Пикакари.