Стара Црква (Довезенце)

Стара Црква — археолошко наоѓалиште во кумановското село Довезенце. Претставува праисториска населба, доцноантичко утврдување и средновековна црква со некропола. Се наоѓа на 17 км источно од Куманово, на високата тераса над левиот брег на Крива Река, издолжена во правец запад-исток. Пристапна е од јужната страна преку седлото што ја поврзува со нејзиниот матичен рид Јеленец. Приближно на средината, на највискоте позиции на теренот има урнатини од еднокорабна црква со мали димензии, позната под името Св. Ѓорѓи. Околу неа на места се распознаваат масивни плочи и вертикално поставени камени блокови, што упатува на присуство на некропола. Северно од црквата, под работ на висорамнинката се гледаат остатоци од одбранбен ѕид, ѕидан од камен и варов малтер, во доцноримска техника. На површината има сосема мал број археолошки остатоци, и тоа главно фрагменти од градежна керамика. Од наоѓалиштето потекнуваат три латински натиписи од кој еден посветен на тракиското божество Збелтиурд, а најдени се и фрагменти од праисториски керамички садови.^[1]

„Стара Црква“
Местоположба	42°6′6″N 21°54′27″E
Основни податоци
Место	Довезенце
Општина	Куманово
Тип	населба  тврдина  црква  некропола
Период	праисторија
	доцноантичко време
	среден век
Портал „Археологија“

Поврзано

• Довезенце;
• Список на археолошки наоѓалишта во Кумановско;
• Список на средновековни некрополи во Македонија.

Наводи

1. Коцо, Димче (1996). Археолошка карта на Република Македонија. стр. 208, Скопје: МАНУ. ISBN 9789989101069