![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/4/4e/HR-diag-instability-strip_mk.svg/langmk-640px-HR-diag-instability-strip_mk.svg.png&w=640&q=50)
Променлива ѕвезда од типот на RR Лира
вид променлива ѕвезда / From Wikipedia, the free encyclopedia
Променлива ѕвезда од типот на RR Лира (RR Lyr-променлива) — вид периодични променливи ѕвезди често присутни во збиени ѕвездени јата. Се користат како стандардни свеќи за мерење на галактички растојанија според утврдената скала. Оваа класа е наречена според нејзиниот прототипен и најсјаен член RR Лира (RR Lyr).
![Thumb image](http://upload.wikimedia.org/wikipedia/commons/thumb/4/4e/HR-diag-instability-strip_mk.svg/640px-HR-diag-instability-strip_mk.svg.png)
Ова се пулсирачки ѕвезди од хоризонталната гранка од спектрална класа A или F, со половина маса од Сончевата. Се смета дека ослободувале маса во фазата во гранка на црвени џинови, и некогаш имале околу 0,8 сончеви маси.
Во современата астрономија, односот период-сјајност ги прави добри стандардни свеќи за релативно блиски цели на мерење, особено во рамките на Млечниот Пат и Месната Група. Често се разгледуваат и при проучувањето на збиени јата и хемијата (и квантната механика) на постарите ѕвезди.