![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/1/18/Reap_the_Wild_Wind_trailer_screenshot.jpg/640px-Reap_the_Wild_Wind_trailer_screenshot.jpg&w=640&q=50)
Ожнеј го дивиот ветар (филм од 1942)
From Wikipedia, the free encyclopedia
Ожнеј го дивиот ветар (англиски: Reap the wild wind) – американски филм од 1942 година, во режија на Сесил Б. Демил. Главните улоги ги играат: Реј Миланд, Џон Вејн, Полет Годар, Рејмонд Мејси, Роберт Престон и Сузан Хаувард. Филмот претставува очигледен пример на филмската естетика на Демил – возбудлив, раскошен, мелодраматичен и визуелно богат спектакл, исполнет со неверојатни сцени, како што е борбата со џиновската лигна, поради што филмот бил награден со „Оскар“ за специјални ефекти. Во 1942 година, кога филмот бил премиерно прикажан, Џон Вејн бил наведен како трет на најавната шпица, но при повторното пркажување на филмот, во 1954 година, неговото име било наведено како прво на плакатот.[1]
![Thumb image](http://upload.wikimedia.org/wikipedia/commons/thumb/1/18/Reap_the_Wild_Wind_trailer_screenshot.jpg/640px-Reap_the_Wild_Wind_trailer_screenshot.jpg)