Нина Аполовна Пономарјова (родена на 27 април 1929 г.) — поранешна руска атлетичарка која се натпреварувала во дисциплината фрлање диск и била прва советка олимписка шампионка.
Нина Пономарјова на ЛОИ 1960 | ||||||||||||||||||||||
Лични податоци | ||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|
Роден(а) | 27 април 1929 Свердловск, Русија | |||||||||||||||||||||
Висина | м | 1,73|||||||||||||||||||||
Тежина | 84 kg (185 lb) | |||||||||||||||||||||
Спорт | ||||||||||||||||||||||
Спорт | Атлетика | |||||||||||||||||||||
Дисциплини | Фрлање диск | |||||||||||||||||||||
Клуб | Soviet Army | |||||||||||||||||||||
Успеси и титули | ||||||||||||||||||||||
Лични рекорди | 56.62 (1955) | |||||||||||||||||||||
Освоени медали
|
Пономарјова се заинтересирала за атлетиката во 1947 година, кога се запишала на Факултетот за физичка култура при Ставрополскиот педагошки институт. Нејзиниот прв официјален настап се случил во 1948 година, на првенството на Ставрополскиот крај, каде поставила нов регионален рекорд од 30.53 метри. По три години тренинг, таа станала една од водечките советски спортистки. Во 1949 година таа го освоила третото место на првенството на СССР. Тогаш нејзин тренер станал искусниот тренер Дмитриј Марков. Две години подоцна, таа станала советски шампион, а потоа го повторила тој успех во периодот 1952–1956, во 1958 и 1959 година.
Во 1952 година, таа за првпат станала дел од екипата на Советскиот Сојуз која учествувала на Летните олимписки игри 1952 во Хелсники. Во тој момент олимпискиот рекорд поставен на Летните олимписки игри 1936 од Гизела Мауермајер изнесувал 47.63 метри. Таа во квалификациите префрлила 45.05 метри и се пласирала во финалето. Во финалето, таа префрлила 51.42 метри во својот трет обид, со што го подобрила стариот олимписки рекорд за речиси четири метри и станала прва златна медалистка за Советскиот Сојуз.
За помалку од еден месец по Летните олимписки игри, на 9 август 1952 година во Одеса, Пономарјова поставила нов светски рекорд од 53.61 метри. Во 1954 година таа ја освоила европската титула, а на следните олимписки игри, во 1956 во Мелбурн, таа го освоила бронзениот медал. Во 1957 година, таа била одликувана со орденот Црвено знаме. Во 1960 година, Пономарјова повторно станала олимписка шампионка откако на игрите во Рим го освоила златниот медал со префрлени 55.10 метри, кои претставувале нов олимписки рекорд. Набрзо потоа таа ја завршила својата кариера и започнала да работи како тренер во Киев а подоцна и во Москва.
Цитат
Дури откако осетив тежок златен круг во мојата рака, сфатив што се случи. Јас сум првата советска олимписка шампионка, првиот сопственик на рекорд на 15. Олимпијада...Солзи ги нагризуваа моите очи. Колку бев среќна!... По победата на Летните олимписки игри 1952.
Наводи
„Нина Пономарјова“ на Ризницата ? |
- Romashkova-Ponomaryova rzutyiskoki.pl Архивирано на 4 март 2016 г.
- Биографија и статистика на Sports-Reference.com Архивирано на 17 декември 2012 г.
- (руски) Биографија
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.