Мусала е највисокиот врв на Балканскиот Полуостров. Се наоѓа на планината Рила во Република Бугарија.
Мусала | |
---|---|
![]() Поглед на Мусала од југ | |
Највисока точка | |
Надм. вис. | 2925,4 м |
Истакнатост | 2473 м |
Координати | 42°10′47″N 23°35′12″E |
Географија | |
Место | Софиска област, Бугарија |
Матичен венец | Рила |
Искачување | |
Најлесен пат | жичница од Боровец, потоа искачување |
![](http://upload.wikimedia.org/wikipedia/commons/thumb/3/3d/Bulgaria_-_Rila_-_Musala_april_2006.jpg/640px-Bulgaria_-_Rila_-_Musala_april_2006.jpg)
„Мусала“ е највисокиот врв во Република Бугарија и на Балканскиот Полуостров, со висина од 2.925[1] м, измерено од пристаништето во Варна.
Се наоѓа на планината Рила, во близина на зимскиот центар Боровец, и на 80 км од Софија. Според некои пишувања, името му произлегува од „Мус Алах“, или „место за молитва“, „врв за молитва“, и името е дадено за време на турското ропство. Во периодот 1949-1962, врвот се нарекувал „Сталин“ по името на советскиот диктатор Јосиф Сталин.
Преку летото го посетуваат многу туристи од светот, но најмногу од планинари од Бугарија и соседните земји. Средната годишна температура изнесува -2,9оС, апсолутната минимална -31,2оС, апсолутната максимална 18,7оС. Во просек 254 денови во годината врвот Мусала е покриен со снег. Преовладуваат северозападни ветрови.
Најлесниот начин за искачување на врвот Мусала е патеката од скијачкиот центар Боровец, 10км во една насока. Има лифт, кој води до месноста Јастребец на висина од 2.369 м. Оттаму може да се стигне пеш до колибата Мусала (околу 1 час одење), а потоа до самиот врв Мусала (околу 2 часа пешачење) до самиот врв. На околу 200 м под врвот се наоѓа „Леденото езеро“ на висина од 2.709 м, каде што може да се преноќева.
- „ГEOграфия'21, брой 5, 2007 г.“. www.prokarstterra.bas.bg. Посетено на 2023-06-09.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.