Месински Проток
проток помеѓу Сицилија и Калабрија, Италија / From Wikipedia, the free encyclopedia
Месински Проток (италијански: stretto di Messina, сицилиски: strittu di Missina) — тесен проток помеѓу Сицилија и јужниот крај на Калабрија, јужна Италија. Го поврзува Тиренското Море на север со Јонското Море на југ. Широк 3,1 км во најтесниот дел меѓу Торе Фаро и Вила Сан Џовани, а 5,1 км кај градот Месина. Достигнува најголема длабочина од 250 м.
Кратки факти Месински Проток stretto di Messina, Подрачје ...
Месински Проток stretto di Messina | |
---|---|
Поглед на протокот од планината Динамаре, Сицилија. | |
Местоположба на протокот | |
Подрачје | Тиренско Море–Јонско Море |
Координати | 38°14′45″N 15°37′57″E |
Вид | проток |
Сливни земји | Италија |
Населени места | Месина, Вила Сан Џовани, Реџо Калабрија, Шила |
Затвори
Протокот има силни плимни струи кои создале мошне својствен екосистем.[1] Во северниот дел се јавува природен вител, поврзан со старогрчката легенда за Сцила и Харибда.[2]
Во 1957 г. преку протокот е поставен далекувод од 220 kV, чии столбови се меѓуа највисоките во светот. Подоцна истиот е заменет со подводни кабли, но кулите се запазени како историски споменици.