![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/2/2b/Illustration_Allium_oleraceum0.jpg/640px-Illustration_Allium_oleraceum0.jpg&w=640&q=50)
Лукови
From Wikipedia, the free encyclopedia
Луковите (науч. Alliaceae) сочинуваат пофамилија од тревести многугодишни растенија. Тие се монокотиледонски и се дел од редот Asparagales. Ова потсемејство е нашироко признаено, но не и во светски рамки. Во минатото, одредени ботаничари ги сместувале Луковите во потсемејството на Лилјани (Liliaceae).
Лукови | |
---|---|
![]() | |
Allium oleraceum и Allium flavum | |
Научна класификација | |
Царство: | Plantae |
Нерангирано: | Angiospermae |
Нерангирано: | Монокотиледони |
Ред: | Asparagales |
Семејство: | Alliaceae Баш и Борк. |
Родови | |
Во текстот. |
![Thumb image](http://upload.wikimedia.org/wikipedia/commons/thumb/9/9b/Baerlauch_Bluete01.jpg/640px-Baerlauch_Bluete01.jpg)
Потсемејството е тесноповрзано со две други фамилии во редот Шпаргловидни (Asparagales) — фамилијата на амарилисот (Amaryllidaceae) и фамилијата Agapanthaceae, со единствениот род Agapanthus.
Системот APG II од 2003 година ја признава ова потсемејство и го сместува во редот Asparagales од класата на монокотиледоните. APG II дава две можности за определување на ова потсемејство:
- Aliaceae sensu lato („во поширока смисла“), при што се вклучуваат сите растенија распределени во фамилиите Agapanthaceae, Alliaceae и Amaryllidaceae од 1998 г. APG.
- Alliaceae sensu stricto („во потесна смисла“), при што класификацијата останува непроменета од APG системот од 1998 г. и не ги вклучува растенијата од фамилиите Agapanthaceae и Amaryllidaceae.
Важно е да се напомене тоа што некои од растенијата кои во минатото биле вклучени во потсемејството на лукови растенија сега се сместени во фамилијата Themidaceae, како од APG, така и од APG II.
Најважниот род од ова потсемејство, лукот, вклучува неколку важни растенија кои се користат во исхраната, меѓу кои кромид (Allium cepa), лук (A. sativum), праз (A. porrum) и власец (A. schoenoprasum).