From Wikipedia, the free encyclopedia
Лиман — назив за еден вид естуар, најчесто карактеристичен за бреговите на Црното и Азовското Море[1]. Се образува на бреговите каде што ефектот на плимата и осеката не е изразен, па речниот тек е блокиран од седименти. По потекло, може да биде морски - кога седиментите ги носи морската струја или речни - кога седиментите ги носи поголема река.
Називот Лиман главно се користи за релјефни облици на западните и северните брегови на Црното Море, како и на Азовското Море. Примери за лимани се езерото Варна во Бугарија, езерото Разелм во Романија и Днестарскиот Лиман во Украина. Руските географи исто така го користат називот лиман кога опишуваат некои облици кои не се поврзани со Црното Море - на пр. Анадирскиот Лиман (руски: Анадырский лимáн) во Чукотскиот Автономен Округ.
Зборот лиман доаѓа од рускиот јазик (руски: лиман). Потеклото на зборот е старогрчко (грчки: λιμένας), што во превод значи залив или пристаниште. Со проширувањето на Отоманското Царство на западните и северните брегови на Црното Море, Турците го прошириле зборот и на крајот навлегува во бугарскиот, романскиот, украинскиот и рускиот јазик.[2]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.