From Wikipedia, the free encyclopedia
Ламбада — танц од Бразил. На крајот на 80-тите години на минатиот век овој танц се раширил низ Европа, Филипините и низ цела Латинска Америка. Танцот ги прифатил движењата од други танци како што се фаро и салса. Ламбада е танц за парови. Танчерите играат така што чекорите одат на страна, се вртат и свиткуваат. Оригиналниот танц нема чекори напред и назад, туку само многу нагласени движења на колковите. Стандардизираниот начин на облекување за танчерките биле кратки лелеави здолништа, а танчерите долги панталони.
Каримбо е танц од времето кога Бразил бил португалска колонија, тогаш бил популарен на северот на земјата. Познат е и како забранет танц. Ритамот го оравеле со удирање на дрвени тапани. Овој танц се состоел од вртења и нишања на колковите на страна, што ќе станат основни движења на ламбадата.
По некое време, радиостаницата во Белем почнала да ја нарекува новата музика „ритамот на ламбада“. Ламбада е мешавина од нова музика и стариот танц.[1] Ламбада на португалски значи „силен удар“. Се разликува од другите латиноамерикански танци по тоа што танчерите со своите тела го имитираат движењето на брановите.[2]
Ламбада се проширила по брегот додека не стигнала до Бахија, каде што била изменета под влијание на танцот Фаро. На карневалот во Бахија секоја година се појавувале нови танци кои исчезнувале кога туристите си заминувале. Ламбада кко танц на карневалот се појавила во 1988 година.
Во 1988 година, францускиот претприемач, Оливер Ламоте, го посетил Порто Дегуро во Бразил и го открил локалниот танц кој тесно бил поврзан со ламбадата и боливиската мелодија. Групата Каота од неколку музичари патувала во Европа и ја промовирала мелодијата. Француската група Каота ја снимила песната Ламбада која станала хит ширум светот. Во 1989 година биле продадени 5 милиони примероци. Песната на португалски се вика „Llorando se fue“[3] што значи плачам затоа што си заминал/а. За време на најголемата популарност била на 46-то место на листата на 100 најдобри.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.