историско село во Неготинско From Wikipedia, the free encyclopedia
Кукуричани — месност и железничка станица на меѓународната железничка пруга Скопје - Гевгелија - Солун и историско село сместено во средното Повардарие, на десниот брег на реката Вардар. Според кажувањата на жителите на околните села, селото Кукуричани постоело сè до половината на XIX век, но останало населено и понатаму.
Кукуричани | |
Железничката станица Кукуричани | |
Координати 41°32′19″N 22°02′24″E | |
Општина | Неготино |
Население | нема жит. (поп. 2021)[1] |
Шифра на КО | |
Надм. вис. | 162 м |
Кукуричани на општинската карта Атарот на Кукуричани во рамките на општината | |
Кукуричани на Ризницата |
Во XIX век Кукуричани било село во Тиквешката каза. Според статистиката на Васил К’нчов („Македонија. Етнографија и статистика“) во 1900 г. Кукуричани имало 80 жители, сите Македонци христијани.[2][3] По податоците на егзархискиот секретар Димитар Мишев („La Macédoine et sa Population Chrétienne“) во 1905 г. селото (Koukouretchani) имало 40 жители Македонци.[2][4]
На етничката карта од 1927 г. Леонард Шулце Јена го наведува Кукуричани (Kukuričani) како село со нејасен етнички состав.
Со изградбата на железничката пруга Скопје - Солун во 1873 година, во месноста Кукуричани е изградена железничка станица. Железничката станица Кукуричани, која се наоѓа веднаш на десниот брег на реката Вардар, помеѓу железничките станици Градско и Криволак (Неготино) е во функција сè до денес и е најчесто одредиште на риболовците од цела Македонија.
Во месноста Кукуричани се наоѓа и една од најголемите фабрики за преработка и конзервирање на зеленчук и овошје „Македонија“ - Неготино, која има погони и во соседното Црвени Брегови. Поради својата околина, месноста Кукуричани се користи и како пасиште и презимувалиште за овци, претежно од западна Македонија. Според најновиот проект за изградба на повеќе хидроцентрали на реката Вардар, предвидено е една хидроелектрана да се изгради и во Кукуричани.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.