Костурско Езеро

Костурско Езеро (грчки: Λίμνη Ορεστιάδα, Лимни Орестијада или Λίμνη Καστοριάς, Лѝмни Касторијас) — езеро во Костурско, северозападна Егејска Македонија, денес во Грција. Познато е по градот Костур, кој е сместен на полуостров во езерото.

Костурско Езеро Λίμνη Ορεστιάδα
Карта на Костурското Езеро
Координати	40.515° СГШ; 21.3° ИГД / 40.515; 21.3
Сливни земји	Егејска Македонија, Грција
Најг. должина	7,5 км
Најг. ширина	5,4 км
Површина	&1000000000000002800000028 км2
Најг. длабочина	9 м
Надм. височина	620 м
Населени места	Костур, Мањак, Дупјак, Маврово, Личишта, Нов Чифлик

Езерото е од групата на Егејските езера и лежи на надморска височина од 620 метри. Зафаќа површина од 28 км² и има длабочина од 9 до 10 метри. Долго е 30 км и има водна зафатнина од 100 милиони кубни метри. Целиот слив на езерото зафаќа 253 км².

Опис

Костурското Езеро е образувано во текот на миоценот, пред околу 10 милиони години. Претставува остаток од многу поголемо езеро (165 км²) кое ја исполнувало Костурската Котлина. Во езерото се влеваат 9 помали реки како Стара Река, Сушица (Апоскепска Река), Влака (Вишенска Река), Кондоропска Река, Хухеришта (Тиолишка Река), Фотинишка Река, Истек, Свети Атанасиј и Фундуклиска Река.^[1] Најголема од нив е Стара Река со среден дотек од 350 л/с. Во југозападниот дел езерото има истек во реката Бистрица.

Животински свет

Во околината на езерото се среќаваат преку 200 вида птици, а самото езеро важи за второ по богатство на уловот во државата.^[2]

Знаменитости

Покрај самиот град Костур со неговите бројни византиски цркви, крај бреговите на езерото се наоѓа познатиот манастир „Пресв. Богородица Мавровска“ од XI век, неолитската населба кај с. Дупјак, каде од езерото е извадена Дупјачка таблица со натписи кои сведочат за праписменоста во Македонија во VI милениум п.н.е.^{[3] [4]}

Галерија

• 
  Градот Костур
• 
  Западното шеталиште
• 
  Натписи на Дупјачката таблица
• 
  Кадрави пеликани на езерото
• 
  Езерски галеби и корморани

Поврзано

• Крпени
• Костурска Котлина
• Дупјачка неолитска населба
• Манастир „Пресвета Богородица Мавровска“

Наводи

1. Παναγιώτου, Ιωάννας (Ιούλιος 2012). Λιμναία Οικοσυστήματα: Γεωμορφολογική & Οικολογική Χαρτογράφηση Της Λίμνης Της Καστοριάς. Αθήνα: Χαροκόπειο Πανεπιστήμιο. стр. 27–28. Проверете ги датумските вредности во: |year= (help)
2. Νομαρχιακή αυτοδιοίκηση Καστοριάς, λίμνη Καστοριάς
3. Το Δισπηλιό Архивирано на 2 март 2009 г.. Δήμος Μακεδνών
4. Ξενάγηση στις ανασκαφές στο Δισπηλιό εφημερίδα Ριζοσπάστης, 3 август 2008

Надворешни врски

„Костурско Езеро“ на Ризницата ?

• Костурското Езеро на BirdLife
• Сателитска слика на езерото Архивирано на 27 септември 2007 г.