![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/c/c2/Beaver_dam_in_Tierra_del_Fuego.jpg/640px-Beaver_dam_in_Tierra_del_Fuego.jpg&w=640&q=50)
Инвазивен вид
From Wikipedia, the free encyclopedia
Инвазивен вид — недомороден вид кој се шири од точката на воведување и станува изобилен.[2] Називот „инвазивни видови“ се придава само на популации на видови чие влијание, при воведувањето, ја сменило нивната нова средина.[3] Иако ова влијание може да биде од корист, поимот што најчесто се користи, се однесува на воведените видови кои влијаат негативно врз нападнатите живеалишта и биорегиони, предизвикувајќи еколошка или економска штета.[4] Ова вклучува растителни видови обележани како „егзотични растенија од штетници“ и „инвазивни егзотики“ кои растат во локалните растителни заедници.[5][6][7] Поимот се користи и од управители на земјишта, ботаничари, истражувачи, хортикултуристи, конзерватори и од јавноста за штетни плевели.[8]
![Thumb image](http://upload.wikimedia.org/wikipedia/commons/thumb/c/c2/Beaver_dam_in_Tierra_del_Fuego.jpg/640px-Beaver_dam_in_Tierra_del_Fuego.jpg)
![Thumb image](http://upload.wikimedia.org/wikipedia/commons/thumb/4/4c/Kudzu_on_trees_in_Atlanta%2C_Georgia.jpg/640px-Kudzu_on_trees_in_Atlanta%2C_Georgia.jpg)
![Thumb image](http://upload.wikimedia.org/wikipedia/commons/thumb/9/92/Vinca_spreading_along_a_border.jpg/640px-Vinca_spreading_along_a_border.jpg)
Поимот „инвазивни“ е слабо дефиниран и честопати многу субјективен,[9] а некои го прошируваат поимот за да вклучат домородни видови кои колонизираат природни подрачја - на пример, елени за кои некои сметаат дека се пренаселени во нивните матични зони и соседните приградски градини во регионите на североисточниот и тихоокеанскиот брег на САД.[10] Дефиницијата за „матично“ е исто така понекогаш контроверзна. На пример, предците на Equus ferus (современи коњи) еволуирале во Северна Америка и мигрирале до Евроазија пред да изумрат локално. По враќањето во Северна Америка во 1493 година, за време на нивната миграција помогната од човекот, дискутабилно е дали тие биле родени или егзотични на континентот на нивните еволутивни предци.[11]
Инвазијата на одамна воспоставените екосистеми од организмите, е природна појава, но воведувањето олеснето од човекот, масовно ја зголеми стапката, размерот и географскиот опсег на инвазија. Со милениуми, луѓето служеа и како случајни и намерни агенси за дисперзија, почнувајќи од нашите најрани миграции, забрзувајќи во ерата на откривање и повторно забрзувајќи со меѓународната трговија.[12][13] Забележителни примери на инвазивни растителни видови вклучуваат лозата куџу, пампасната трева на Андите и Centaurea Solstitialis. Примери за животни ги вклучувaт: калливиот полжав од Нов Зеланд, дивата свиња, европскиот зајак, сива верверица, домашна мачка, крап и ласица.[14][15][16] Некои популарни референтни извори сега го именуваат Хомо Сапиенс, особено луѓето од модерната доба, како инвазивен вид [17][18] но широката проценка на човечкиот капацитет за учење, нашиот потенцијал за однесување и адаптибилноста се спротивставува на која било таква фиксна категоризација.[19][20]