Георги Седефчов Прванов (бугарски: Георги Седефчов Първанов) е политичар од Бугарија и претседател на Република Бугарија, избран е на 18 ноември 2001 г. Пред тоа бил претседател на Бугарската социјалистичка партија.
| Георги Прванов Георги Първанов | |
|---|---|
 | |
| Прванов во 2008 | |
| 3. претседател на Бугарија | |
| На должноста 22 јануари 2002 – 22 јануари 2012 | |
| Премиер | Симеон Сакскобургготски Сергеј Станишев Бојко Борисов |
| Потпретседател | Ангел Марин |
| Претходник | Петар Стојанов |
| Наследник | Росен Плевнелиев |
| Лични податоци | |
| Роден(а) | 28 јуни 1957 Сириштник, Бугарија |
| Партија | Алтернатива за бугарска преродба (2014) |
| Други припадности | БКП (1981–1990) БСП (1990–2002; 2012–2014) независен (2002–2012) |
| Сопружник | Зорка Прванова (в. 1983) |
| Деца | Владимир, Ивајло |
| Установа | Софиски универзитет |
| Награди | Орден на Јужниот крст |
| Потпис |  |
Прванов е роден во селото Сириштник, Перничко на 28 јуни 1957 . Пораснал во соседното село Косача. Георги Прванов е оженет и има два сина. (2005 г.)
Образование и квалификации
Во 1975 Прванов завршил математичката гимназија во Перник. Во 1981 г. дипломирал на Историскиот факултет на СУ „Св. Климент Охридски“ - Софија. Во 1988 г. докторирал во областа на историјата со тема „Димитар Благоев и бугарскиот национален проблем 1879-1917“.
Научна кариера
Во 1981 г. се вработува во Институтот за историја на БКП како научен соработник. Од 1989 година е виш научен соработник. Во периодот 1992 — 1996 е директор на Центарот за историски и политиколошки истражувања кон Вишиот Совет на БСП.
Политичка кариера
Член е на БСП од 1981 до 2001 г. На 41-от конгрес на БСП (3-6 јуни 1994 г.) е избран за заменик-претседател на ВС на БСП. На 42-от вонреден конгрес на БСП (21-23 декември 1996 г.) е избран за претседател на ВС на БСП. На 43-от (1 и 2 мај 1998г.) и на 44-от конгрес на БСП (6 и 7 мај 2000г.) е реизбран за претседател на ВС на БСП.
Народен пратеник е во 37-то Народно собрание (1994-1997 г.), 38-то Народно собрание (1997-2001 г.) и 39-то Народно собрание. Претседател е на парламентарната група за соработка со Грција и член е на парламентарната Комисија за радио и телевизија (1994-1997 г.), претседател на Парламентарната група на Демократската левица (1997-2001 г.) и на Парламентарната група на Коалицијата за Бугарија во 39-то Народно собрание.
Избран е за претседател на Република Бугарија на изборите во ноември 2001 г. Стапува на должност на 22 јануари 2002 г.
Се сметаа, дека владината коалиција БСП-НДСВ-ДПС, која што е на власт во Бугарија по парламентарните избори во 2005 г., е не само поткрепена, но и создадена од него.
Бил таен соработник на Државна сигурност во сектор РИК (Разузнаване "История и култура") пред 1990 година. Работел по “македонското прашање” под името “Гоце” како уредник на книгата “Габерот” од Методи Димов, емигрант од Македонија, соработник на бугарските агенти.
Извори
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
