Византиска бања (Солун)

Византиската бања (грчки: Βυζαντινά Λουτρά Άνω Πόλης) во стариот дел од Солун е единствената бања која е останата до денес од византискиот период во Грција. Се наоѓа на улицата Теотокопулу во горниот стар дел на градот Солун.

Палеохристијански и византиски споменици во Солун

светско наследство на УНЕСКО
Критериум	култура: i, ii, iv
Навод	456
Запис	1988 (12 заседание)
Координати	40.640026° СГШ; 22.953464° ИГД / 40.640026; 22.953464

Бањата потекнува од доцниот 13 век или од почетокот на 14 век, и постојано била во употреба сè до 1940 година. Оригиналната градба ја следи линијата на типичната римска бања, со фригидариум, тепидариум и калдариум, секоја од нив со по две простории. На северниот дел се наоѓа цистерна од која бањата се снабдувала со вода. Во византиско време, бањата ја користеле и мажи и жени, а за време на отоманскиот период бањата била строго поделена на женски и машки дел, со тоа што двете простории биле одделени.

Во 1988 геодина, вклучена е во списокот на Старохристијански и византиски споменици на Солун, список на светско наследство на УНЕСКО.

Надворешни врски

• Kourkoutidou-Nikolaidou, E.; Tourta, A. (1997), Wandering in Byzantine Thessaloniki, Kapon Editions, стр. 87–88, ISBN 960-7254-47-3

Наводи