![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/5/52/Ivanpetarkirik.jpg/640px-Ivanpetarkirik.jpg&w=640&q=50)
Бургаски Залив
залив во Бугарија / From Wikipedia, the free encyclopedia
Бургаски Залив (бугарски: Бургаски залив) — најголемиот залив на Бугарското приморје и еден од најголемите во Црното Море. Сместен е по права линија меѓу ’ртовите Емине и Маслен Нос[1]. Достигнува ширина од 44 км и длабочина до 25 м. Највнатрешниот дел достигнува 31 км,[2] на местото кајшто е расположен пристанишниот град Бургас. Други помали градови на заливот се Поморие, Созопол и Несебар. Бургаскиот Залив е најзападната точка на Црното Море.
Бургаски Залив Бургаски залив | |
---|---|
![]() Островите во Бургаскиот Залив | |
Подрачје | Црно Море |
Координати | 42°30′0″N 27°35′0″E |
Сливни земји | Бугарија |
Најг. ширина | 44 км |
Најг. длабочина | 25 м |
Соленост | 17 ‰ |
Острови | Свети Иван, Свети Петар, Света Анастасија, Свети Тома |
Населени места | Бургас, Поморие, Несебар, Созопол |
Заливот се стеснува кон запад. Северниот брег е понизок и има два големи полуострова (Несебар и Поморие), а јужниот е понерамен, со поголем број на мали ракавци и ’ртови. Соленоста на заливската вода изнесува 17 ‰; песокот е од магнетитско потекло. Моклиштата на запад се нарекуваат Бургаски Езера.
Во јужниот дел на Бургаскиот Залив има неколку мали острови, од кои поважни се Свети Иван и Свети Петар, Света Анастасија и Свети Тома.