From Wikipedia, the free encyclopedia
Џошуа Вилијам Дан (роден на 18 јуни 1988 година)[1][2] е американски музичар. Тој е еден член од дуото Twenty One Pilots, заедно со Тајлер Џозеф, и свири на тапани и труба.[3][4][5]
| Џош Дан | |
|---|---|
.jpg) Дан со Twenty One Pilots во 2015 | |
| Роден(а) | Џошуа Вилијам Дан 18 јуни 1988 Колумбус, Охајо, САД |
| Националност | Американец |
| Занимање | Музичар |
| Активен период | 2009–денес |
| Сопружник | Деби Рајан (в. 2019) |
Дан е роден во Колумбус, Охајо, од Лора Ли Дан (родена Меколум) и Вилијам Ерл „Бил“ Дан, асистент за физикална терапија. Тој израснал со две сестри, Ешли Бони Ли и Абигејл Кристин „Аби“ Дан, и брат по име Џордан Кристофер Дан.
Дан изјавил дека во детството бил бунтовен, агресивен, истакнувајќи дека неговите родители за малку ќе го избркале од дома кога имал 14 години.[6]
Џош често со скејтборд се спуштал до локалната музичка продавница и купувал плочи, од кои повеќето биле од жанрот панк-рок.[7] Неговите родители поставувале строги правила за тоа каков вид музика смее да слуша Дан.[8][9] „Криев албуми како Дуки на Грин Деј под мојот кревет“, изјавил Дан. „Понекогаш ги наоѓаа и многу се лутеа. Најдоа христијанска алтернатива и ме тераа да го слушам тоа“.[10]
Дан првично одеел на часови по труба на училиште, но „никогаш не бил одличен во тоа“. Изајвил дека лекциите го научиле само како да ја чита музиката, а не како да создава своја. Џош го свртел вниманието кон тапаните, но решил да си предава себеси, наместо да зема часови, верувајќи во тоа време дека „некој друг што ме учи како да свирам на инструмент некако ми забрануваше да бидам креативен“.[11] Еден метод, што го спомна Дан, беше имитирање на отчукувањата на плочите што ги купувал на електронски комплет за тапани.[12]
Дан не присуствувал на факултет, наместо тоа живеел со пријатели и се фокусирал на своето музичко хоби. „Никаде не одев“, вели тој. „Еден ден му реков на татко ми: Дали си разочаран што работам работа со минимална плата, а не отидов на колеџ?“ Никогаш нема да го заборавам неговиот одговор. Тој одговори: „Не се работи за тоа колку пари заработуваш или каква е твојата работа, туку повеќе се однесува на твојот карактер. За тоа, јас сум горд на тебе.“ Тоа ми даде мотивација.“[6] Дан работел во Центар за Гитара за три години заедно со неговите пријатели. Тука се сретнал со поранешниот тапанар на Twenty One Pilots, Крис Салих, кој го запозна со идниот колега од групата Тајлер Џозеф.[13][14]
Во март 2010 година, Дан се приклучи на House of Heroes откако тапанарот на групата, Колин Ригсби, направи пауза за да помине повеќе време со своето семејство.[15] На местото на Ригсби, Дан свиреше на тапани за многу песни на албумот на групата Suburba . Дан се појавува и во музичкото видео „God Save the Foolish Kings“, а обезбедува и вокално камео.[16] Тој исто така учествуваше во турнејата во живо на House of Heroes до Октомври, кога Ригсби се врати на своите должности.[17]
.jpg)
Откажувајќи ја својата работа во Центарот за гитара, Дан планираше да замине за Нешвил, Тенеси во потрага по кариера како тапанар. Сепак, тој беше запрен од тапанарот на Twennty One Pilots, Крис Салих, кој му ја понуди својата улога.[18] Тој продолжи да свири на шоу со Тајлер Џозеф откако Салих и басистот Ник Томас ја напуштија групата поради зафатен распоред. Тие свиреа една песна пред полицајците да го откажат шоуто.[14] Дан последователно стана тапанар на групата со полно работно време.[2]
Како дуо, Twenty One Pilots го издадоа вториот студиски албум на групата, Regional at Best, на 8 јули 2011 година и потпишаа со дискографската куќа Fueled by Ramen, подружница на Atlantic Records, во април 2012 година.[2]
Третиот студиски албум на Twenty One Pilots, Vessel, беше издаден на 8 јануари 2013 година.[19]
Четвртиот студиски албум на групата, Blurryface, беше објавен на 17 мај 2015 година, два дена пред предвидениот датум на објавување.[20] Во овој момент во кариерата на Дваесет и еден пилоти, бендот беше на првото место на топ листите со нивниот хит „ Stressed Out“ - музичкото видео на песната се снимаше во старите домови од детството, и оттогаш има над 2 милијарди прегледи на YouTube .
Нивниот петти студиски албум, Trench, бил објавен на 5 октомври 2018 година.
Дан во врска со музиката рече: „Отсекогаш сум сакал да свирам тапани и сега сум во можност тоа да го правам на ноќна основа.“ Тоа е она што најмногу го сакам, да се дружам со луѓе во една соба и да дозволам музиката да не обедини - знам дека звучи навистина драматично, но тоа е навистина кул искуство и нешто од што нема да се заморам уште некое време.“[26]
Двајцата Џош и Тајлер имаат тетоважа „Х“ на своето тело што ја симболизира нивната посветеност на нивните обожаватели од родниот град во Колумбос, Охајо. Тие ги добија на сцената за време на нивното шоу воLifestyle Communities Pavilion на 26 април 2013 година.[27][28] Кај Тајлер се наоѓа на десниот бицеп, а кај Џош се наоѓа на вратот зад десното уво.[29] Дан го носи и името „Тајлер“ над левото колено.[30]
Џош беше во врска со глумицата Деби Рајан од мај 2013 до септември 2014 година.[31][32] Потоа, парот ја продолжи својата врска. На 23 декември 2018 година, Дан ја објави својата свршувачка на својот Инстаграм профил.[33] На 31 декември 2019 година тие се венчаа.[34]
| Година | Свеченост | Награда | Номиниран | Резултат | Ref. |
|---|---|---|---|---|---|
| 2014 година | Alternative Press Music Awards | Најдобар тапанар | Џош Дан | Победник | [35] |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
