From Wikipedia, the free encyclopedia
Tikuluak balenggek adolah salah satu jinih tikuluak nan dipakai padusi Minang. Sasuai namonyo tikuluak balenggek tadiri dari duo tingkek nan tabuek dari kain balapak. Kain balapak babantuak pasegi, panuah dek hiasan banang ameh atau perak nan disungkik an wakatu mananun. [1]
Pado bagian bawah salendang balapak dibuek tikuluak tanduak nan manyarupoi tanduak kabau atau ado jo nan manaybuik bantuak atok rumah gadang Minangkabau. Bagian ateh ado nan tabuek dari kayu nan ringan. Kudian dibantuak manyarupoi tikuluak nan diagiah babagai ukiran pado bagian permuakaannyo jo diagiah rono kaamehan. Bagian dalamnyo balubang untuak mamudahan mamasangnyo pado tikuluak bagian bawah.
Tikuluak balenggek digunoan sabagai panutuik kapalo anak daro di Lintau, Tanah Datar, Sumatera Barat wakatu basandiang di palaminan. Dulunyo nan dapek mamakai tikuluak ko katurunan bangsawan atau katurunan pangulu. Jikok ado padusi nan katuju mamakai tikuluak ko mustilah mamintak izin ka pangulu atau datuak jo mambayia uang adaik ka pangulunyo.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
