From Wikipedia, the free encyclopedia
Nikita Purnama Willy, S.H. (lahia 29 Juni 1994; umua 30 taun) adolah saurang pameran jo model Indonesia.[1] Namonyo banyak dikatahui dek perannyo dalam serial Bulan jo bintang.[2]
Nikita lahia banamo Nikita Purnama Willy pado 29 Juni 1994.[3] Inyo marupoan anak partamo dari duo dunsanak laki-laki Henry Willy jo Yora Febrine dari Sianok Anam Suku, Agam.[4] Inyo punyo surang kakak laki-laki, nan banamo Winona Willy.
Nikita mulai karirnyo sabagai model pado umua tujuah taun.[5][6] Pado taun 2000, inyo mandapek kasampatan untuak mambintangi sinetron partamonyo nan banamo Jin dan Jun. Sasudah itu, Nikita baliak bamain dalam sinetron Hari Potret dan Ratu Malu jo Jendral Kancil.
Dek karano bakatannyo dalam bamain, Nikita barasil manarik parhatian saat inyo manjadi pamain utamo dalam sinetron Bulan jo bintang pado taun 2003.[7][8] Salain itu, Nikita banyak mandapek tawaran untuak bamain dalam babarapo sinetron, sarupo Habibi jo Habibah, Roman Picisan, Nikita, jo Safa jo Marwah.[9] Inyo sempat mandapek juluakan "Ratu Sinetron Indonesia" jo upah nan maha.[10] Indak hanyo di dunia sinetron, inyo juo bamain dalam babarapo FTV jo film. Salain itu, inyo pun bajalan di dunia tariak suaro. Babarapo singlenyo nan cukup terkenal, iyolah "Kutetap Menunggu" pado taun 2010 jo "Lebih dari Cantik" pado taun 2011.
Pado taun 2012, Nikita parnah manjadi presenterNickelodeon Indonesia Kids' Choice Awards. Inyo juo parnah manjadi sutradara jo manggarap TV Movie Romeo jo Juliet di Pinggir Kali dan Pacar Sewaan.[11][12]
Nikita batunangan jo Indra Priawan pado tanggal 25 Juli 2020 jo manjalankan pakawinannyo pado tanggal 16 Oktober 2020. Inyo manikah jo caro adat Minangkabau, Sumatera Barat.[13][14] Nikita malahiakan anaknyo nan partamo sacaro normal pado tanggal 7 April 2022 nan di namokan Issa Xander Djokosoetono di Rumah Sakit Cedars Sinai, Los Angeles, Amerika Serikat.[15][16]
Salain kagiatannyo sabagai pakarajo seni, Nikita juo marantau ka dunia wirausaha.[17]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
