From Wikipedia, the free encyclopedia
Jibril (Arab: جبريل, Inggris dan Alkitab: Gabriel) adolah mahkluk ciptaan Tuhan Allah Nan Maha Esa jinih malaikaik nan muncua tatulis pado ajaran agamo samawi. Pado agamo samawi Jibril dianggap sabagai Pamimpin Malaikaik nan karojonyo manyampaikan wahyu dan mangajarkannyo kapada para nabi dan rasul.
Malaikaik Jibril adolah ciek dari nan tigo malaikaik nan namonyo disabuik dalam Al Quran. Namo Malaikaik Jibril disabuik duo kali dalam Al-Qur'an yaitu pado surek Al Baqarah ayat 97-98 dan Surek At-Tahrim ayat 4. Di dalam Al-Qur'an, Jibril mamiliki babarapo julukan, saparti Ruh al Amin dan Ruh al Qudus (Roh Kudus), Ar-Ruh Al-Amin dan lainnyo.
Bantuak fisik Jibril ado tertera dalam uraian manganai kisah nabi Muhammad, pado wakotu mandapek wahyu kali keduo, dan nabi manuntut untuak mancaliak rupo asli sang utusan Tuhan dari langik dalam rupo nan saboneghnyo, atau bagaimano sasungguhnyo dzat wujuik Jibril tanpa rupo samar, sabagaimano di kali-kali nan lain, sang utusan (ruhul'qudus) salalu nampak dalam rupo surang manusia biaso, saparti nan disebuikkan dalam carito kumpulan hadis Jibril.
Takadang, katiko Nabi Muhammad SAW sadang bajalan, dia manyaksikan wujuik Jibril mamanuhi cakrawala, dan bilo dia bapaliang, dia tetap manyaksikan wujuik Jibril di hadapannyo. Hal iko manggambakan batapo boseghnyo fisik Jibril dalam pandangan mato manusia.[1]
Jibril manampakkan wujuiknyo dangan anam ratus sayap antaro masyriq (timur) dan maghrib (barat) sayap dangan pakaian kabasarannyo putiah ajak mutiara nan laruik, dangan rupo nan bagitu elok dan rupawan, dan dangan kakuatan nan dahsyat panuah mukzijat.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
