From Wikipedia, the free encyclopedia
Dr. H. Jeffrie Geovanie, M.Si. (lahia di Jakarta, Indonesia, 5 Agustus 1967; umua 56 taun), iolah saurang pengusaha jo politikus Indonesia nan duduak sabagai Ketua Dewan Pembina Partai Solidaritas Indonesia. Inyo pernah duduak sabagai Anggota Dewan Perwakilan Daerah daerah pamilihan Sumatera Barat dari hasil Pemilu Legislatif 2014. Inyo juo pernah manjadi Anggota Dewan Perwakilan Rakyat malalui Partai Golongan Karya dari daerah pamilihan Sumatera Barat I hasil Pemilu Legislatif 2009.
 | |||||||
| Biografi | |||||||
|---|---|---|---|---|---|---|---|
| Lahia | 5 Agustus 1967  (56 tahun (id) terjemahkan)Daerah Kusuih Ibukota Jakarta | ||||||
1r Oktober 2014 – 30 September 2019
1r Oktober 2009 – 1r Maret 2012
1r Oktober 2009 – 30 September 2014 | |||||||
| Data pribadi | |||||||
| Kalompok etnis | Urang Minangkabau | ||||||
| Agamo | Islam | ||||||
| Almamater | Universitas Nasional (id)  | ||||||
| Kagiatan | |||||||
| Karajo | Politikus | ||||||
| Partai politik | Partai Golongan Karya (id) | ||||||
 | |||||||
Jeffrie dilayiekan di Jakarta dari kaduo urang gaek nan samo-samo barasa dari Kabupaten limo puluah kota, Sumatera Barat.[1] Ayahnyo adolah surang profesional jo tugas terakhir di yayasan nan punyo PBB nan manangani pangungsi Vietnam di Pulau Galang, maningga di maso keteknyo sadangkan bundonyo adolah saurang pegawai negeri sipil. Dek karano gajinyo indak cukuik, bundonyo bakarajo sampingan untuak kebutuhan kaluarganyo. Jeffrie mangaku hiduik pendidikan nan kareh dalam agamo, bahkan pado masa ketek inyo basikolah di duo tampek, sikolah pamarentah jo sikolah agamo. Inyo alah mangarajokan haji jo bininyo pado taun 2000.[2] Istrinyo, Diana Singgih, adolah anak dari mantan Jaksa Agung Republik Indonesia, Singgih.[1]
Jeffrie Geovanie manyudahan pendidikan di jurusan Sastra Indonesia, Universitas Nasional, Jakarta pado taun 1992 jo Program Pascasarjana Fakultas Ilmu Komunikasi di Universitas Prof. Dr. Moestopo (Beragama), Jakarta pado taun 2008.[3]
Jeffrie pernah bakarajo di American Express Bank Ltd Jakarta, Direktur Trego Holdings Ltd Singapura, sarato Direktur Artha Prima Bank Jakarta. Salain itu, inyo punyo kapalo dalam bidang hotel jo properti. Pado taun 2002, Jeffrie mandirian Syafii Maarif Foundation - Maarif Institute, nan aktif malajahi masalah kabudayaan jo kamanusiaan.[4] Di situ inyo manjadi Ketua Yayasan. Salain itu inyo juo mandirian Yayasan Indonesia untuak Sadonyo - The Indonesian Institute.[5] Jeffrie aktif pulo sabagai saurang Dewan Penasehat Pusat untuak Studi Strategik jo Internasional. JG, sajak inyo dikana, pernah manjadi Ketua Umum Pengurus Besar Persatuan Catur Seluruh Indonesia (Percasi),[3] dan manjadi salah surang anggota Dewan Redaktur Penerbitan Balai Pustaka.
Di lingkuang sosial, Jeffrie manjadi anggota Muhammadiah lalu duduak di Ketua Majelis Hikmah Pimpinan Wilayah Muhammadiyah (PWM) Provinsi Bali jo Wakil Ketua Lembaga Hikmah jo Kebijakan Publik Pimpinan Pusat Muhammadiyah periode 2000-2005 jo 2005-2010.[6][7] Inyo bahkan pernah pulo mancalonkan diri sabagai calon Ketua Pimpinan Pusat Muhammadiyah pado taun 2010.[8][9][10][11] Di bidang politik, Jeffrie bagabuang ka Partai Amanat Nasional (PAN) sarato manjabat Ketua Dewan Pimpinan Daerah (DPW) PAN Provinsi Bali pado taun 2002 jo pengurus The Amien Rais Center.[12] Pado taun 2005, karir politiknyo maninggi katiko inyo dicalonkan sabagai calon Gubernur Sumatera Barat dek Koalisi Sakato nan barisi 16 partai politik, basamo Dasman Lanin sabagai wakilnyo. Dalam Pilkada tahun itu, walaupun alun berhasil di tingkek patamo, tapi inyo barado di tingkek katigo di bawah pasangan Gamawan Fauzi-Marlis Rahman jo Irwan Prayitno-Ikasuma Hamid.[13] Majalah Tempo mancatat Jeffrie hanyo tigo kali bakunjuang ka Sumatera Barat salamo kampanye sabagai calon gubernur.[14] Jeffrie pernah manjabat Wakil Direktur Lembaga Eksekutif Lembaga Pemenangan Pemilu DPP Partai Golkar pado taun 2007-2009.[3]
Di Pilkada 2009, Jeffrie kampanye untuak anggota DPR di bawah Partai Golkar. Inyo tapiliah untuak periode 2009-2014. Inyo ditempatkan di Komisi I DPR.[3] Pado taun 2010, inyo mangaku acok bolos dari Rapat Paripurna DPR, tapi rajin datang rapat komisi. Biro Persidangan Kesekjenan DPR mencatat Jeffrie absen anam kali dalam maso sidang Januari-Juni 2010.[15] Namun pado Maret 2012, Jeffrie mamutuihan untuak kalua dari Golkar dan bagabuang ka Nasional Demokrat sabagai organisasi masyarakat nan baru didirikan hinggo manjadi Partai NasDem.[16]
Pado Pemilu 2014, Inyo berhasil dipilih sabagai Anggota Dewan Perwakilan Daerah (DPD) Republik Indonesia daerah pamilihan Provinsi Sumatra Barat jo jaleh 195.930 undi, paliang banyak katigo di antaro Irman Gusman jo Emma Yohanna.[17] Pado bulan November 2014 inyo basamo mandirikan Partai Solidaritas Indonesia, di mano dalam struktur partainyo inyo manjabat sabagai Ketua Dewan Pembina.[18]
Salain bapartisipasi aktif dalam usaho, organisasi sosial jo politik, Jeffrie juo rajin manulih. Buku-buku nan alah inyo tarabikkan adolah: Transisi Demokrasi di Indonesia jo Membela Akal Sehat nan marupoan koleksi tulisan nan tersebar di Koran Kompas, Media Indonesia, Suara Pembaruan, Rakyat Merdeka, Jawapos, Koran Tempo, Sindo, dll.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
