From Wikipedia, the free encyclopedia
Indra Lesmana (lahia di Jakarta, 28 Maret 1966; umua 58 taun) adolah saurang panyusun musik, komposer, panulih lagu jo musisi jazz Indonesia. Inyo adolah apak dari aktris jo panyanyi Eva Celia Lesmana.
Indra Lesmana | |
|---|---|
 | |
| Lahia | 28 Maret 1966 Jakarta, Indonesia |
| Karojo | Arranger musisi panulih lagu produser rekaman |
| Taun aktif | 1976–kini |
| Pasangan | Sophia Latjuba (1992-1993) Hanny Trihandojo Lesmana (m. 1999) |
| Anak | 3, tamasuak Eva Celia |
| Dusanak | Mira Lesmana (kakak) |
| Website | indralesmana.com |
Indra nan badarah Balando, Jawa, Minangkabau[1] jo Madura iko gadang di kaluarga musisi. Apaknyo adolah gitaris jaz Jack Lesmana, sadang mandehnyo Nien Lesmana adolah saurang panyanyi.[2] Inyo mulai bamain piano pado umua salapan taun. Sataun kamudian, inyo bagabuang dalam grup musik apaknyo.[3] Inyo basakolah di Konservatorium musik New South Wales di Australia.[2]
Pado taun 1981, inyo jo apaknyo mambantuak Kuartet Jack dan Indra Lesmana basamo Karim Suweileh jo James Morrison. Album bajudul Children of Fantasy direkam di Indonesia jo dirilis dek Queen Records. Katiko inyo babaliak ka Australia, inyo mambantuak band fusion jazz Latin, Children of Fantasy, basamo Jack Lesmana, Steve Brien, Dale Barlow, Tony Thijssen, jo Harry Rivers. Pado taun 1982 inyo mandirian Nebula jo Andy Evans, Vince Genova, Carlinhos Goncalves, Steve Hunter, jo Ken James. Album No Standing, nan ampek komposisinyo disusun dek Lesmana, dirilis di Australia dek Jasmine sarato di Indonesia dek Jackson. Pado taun 1983, inyo bagabuang jo Tony Buck, Sandy Evans, jo Steve Elphick untuak mambantuak band jazz modern, Women and Children First, nan marekam album partamonyo pado taun 1983.[1]
Zebra, afiliasi MCA mangontrak Indra sarato marilis album No Standing sabagai album solonyo. Album ko diremaster dek Bernie Grundman sabalun dirilis di AS.[4]
Indra pindah ka California pado taun 1985 jo marekam album bajudul For Earth and Heaven (1986) basamo Vinnie Colaiuta, Charlie Haden, Jimmy Haslip, Tootie Heath, Michael Landau, Airto Moreira, jo Bobby Shew. Lagu-lagu dalam album ko saroman "No Standing" jo "Stephanie" (For Earth and Heaven) masuak dalam tanggo lagu jazz majalah Billboard. Inyo mambantuak sabuah grup musik gadang nan tadiri dari 17 anggota pado bulan Maret 2002.[1] Inyo manulih aransemen musik untuak soundtrack film Rumah Ke Tujuh nan di produksi dek kakaknyo, Mira Lesmana. [5]
Indra punyo minat nan sangaik dalam tahadap teknologi audio. Albumnyo, Tragedi (1984) partamo kali musiknyo didesain dek inyo. Pado taun 1998 inyo mamproduksi album Sabda Prana basamo Java Jazz.[6] Pado taun 1999 inyo mamutuihan untuak fokus ka teknik audio jazz. Inyo alah manyusun jo maaransemen labiah dari 20 album karya musikus Indonesia sarupo Andien, Dewa Budjana, Chlorophyl, Delon, Simak Dialog, The Groove, Humania, Ermy Kullit, Maliq & D'Essentials, Rieka Roeslan, jo Donny Suhendra. Inyo dinominasikan untuak kategori Best Mixing Engineer untuak album Rumah Ke Tujuh di AMI Awards 2003.[7]
Pado bulan Maret 2004, Indra dipakarajoan dek Fremantle Media jo RCTI untuak manjadi salah saurang juri di acara pancarian bakat Indonesian Idol. Inyo adolah juri di Asian Idol nan diadoan di Indonesia.[8]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
