politikus Indonesia From Wikipedia, the free encyclopedia
Ibrahim Irwan Prayitno (lahia di Kuala Lumpur, Malaysia, 14 Agustus 1997; umua 27 taun) adolah anak Irwan Prayitno nan marupokan mantan Gubernur Sumatera Barat (Sumbar) dari Partai Keadilan Sejahtera (PKS) nan manjabaik salamo duo pariode.[1] Ibrahim Irwan Prayitno viral karano banyak balihonyo batabaran di Kota Padang basamo gambar Anies Baswedan.[2] Ibrahim Irwan Prayitno baprofesi sabagai panggaleh jo pangusaho. Umuanyo mudo sangaik untuak saurang politisi apolai handak maju ka DPR RI.[1] Indak main-main, inyo sabana mancaleg dari PKS untuak DPR RI di Dapil Sumbar I jo nomor uruik salapan.[3] Ibrahim Irwan Prayitno adolah anak katujuah dari sapuluah baradiak kakak. Apaknyo Irwan Prayitno jo amaknyo Nevi Zuairina.[4]
 | |
| Biografi | |
|---|---|
| Lahia | 14 Agustus 1997 (27 tahun (id) ) Kuala Lumpur |
| Kalompok etnis | Urang Minangkabau |
| Agamo | Islam |
| Almamater | Universitas Indonesia . Sarjana Teknik (id) (2015–2019) SMA Negeri 8 Jakarta (2012–2015) |
| Kagiatan | |
| Karajo | Politikus |
| Partai politik | Partai Keadilan Sejahtera |
| Kaluarga | |
| Abak | Irwan Prayitno , Nevi Zuairina |
Anies Baswedan jo Muhaimin Iskandar (Cak Imin) adolah calon presiden jo wakil presiden Indonesia pariode 2024-2029 nomor uruik partamo[5] sadangkan lawannyo Prabowo Subianto bapasangan jo Gibran Rakabuming Raka dapek nomor uruik kaduo[6] nan taakhia Ganjar Pranowo jo Mahfud MD dapek nomor uruik katigo.[7] Ibrahim Irwan Prayitno diagiah tugas untuak manjadi salah saurang jubir kampanye Anies-Cak Imin untuak bataruang di Pilpres 2024 nan kini ko.[8] Namo-namo lain nan ditunjuak sabagai Jubir Timnas Anies-Cak Imin diantaronyo Eva Sundari,[9] Tatak Ujiyanti,[10] Geisz Chalifah,[11] Syahganda Nainggolan dan banyak lai.[12]
Ibrahim Irwan Prayitno ditunjuak karano dinilai santiang, masih mudo sarato dakek jo Gen Z dan Millenial sabab pamiliahan tahun 2024 ko ado 54% pamiliah dari duo kalangan dan ganarasi iko.[13] Ibrahim Irwan Prayitno sampai ditunjuak jadi moderator acara "Desak Anies" di Batusangka.[14] Acara ko banyak disukoi kalangan mudo.[15]
Katiko Debat Pilpres 2014 nan tajadi 22 Desember 2023 antar Cawapres,[16] Cak Imin ndak bisa jawek pertanyaan Gibran manganai singkatan SGIE,[17] Ibrahim Irwan Prayitno manilai Gibran ndak ado etika dalam debat mamakai kato singkatan sahinggo Cak Imin ndak mangatahui substansi dari partanyaan nan disampaikan maskipun satalahnyo Cak Imin bisa paham substansi partanyaan tu.[18]
Anies Baswedan maagiah support ka Ibrahim karano masih mudo dan nio tajun ka dunia politik dan bapasan ka Ibrahim dan saluruah anak mudo lainnyo untuak akatif dan sibuk malakukan kagiatan positif.[19]
Ibrahim Irwan Prayitno alah kawin jo Nabila Amanda, anak dari pasangan Makky Ananda jo Mira Zauti Thahir.[20] Baralek gadang dilangsuangan sacaro taat protokol kasihatan karano Covid-19[21] dan diadokan salamo tigo hari dari tanggal 6 hinggo 8 November 2020[22] di Auditorium Gubernuran, Sumatera Baraik.[23] Banyak Menteri maagiah papan karangan bungo tamasuak Anies Baswedan nankala itu masih manjabaik sabagai Gubernur DKI Jakarta.[24] Namun damikian, banyak masyarakaik nan magkritiak alek gadang ko karano diadokan saat pandemi, mantang-mantang anak gubernur, bisa alek sasuko hati kato masyarakaik nan mangkritik alek tigo hari baturuik-turuik tu.[25]
Seamless Wikipedia browsing. On steroids.