From Wikipedia, the free encyclopedia
Filsafat atau diijo juo pilsapaik (dari kato Yunani φιλοσοφία, filosofia, aratinyo "cinto ka hikmat"[1][2] ) adolah ilimu nan mangkaji patanyoan-patanyoan soal eksistensi, panalaran, nilai-nilai luhua, aka budi, jo bahaso.[3] Istilah iko kamungkinan partamo kali disabuik dek Pythagoras (c. 570--495 SM). Metode nan dipakai dalam filsafat antaro lain batanyo, diskusi kritis, dialektik, jo presentasi sistematik.[4][5] Patanyoan filosofis klasik antaro lain: Apokah mamungkinkan untuak mangataui sagalo macam sarato mambuktikannyo?[6][7][8] Apo nan paliang nyato? Filsuf-filsuf juo mampatanyokan nan labiah praktis jo konkret sarupo: Apokah ado caro paliang rancak untuak iduik? Apokah labiah rancak manjadi adia atau indak adia (kok saurang bisa lapeh baitu sajo)?[9] Apokah manusia mampunyoi kandak lapeh?[10]
Sacaro historis, filsafat mancakuik inti dari sagalo pangatauan.[11] Dari zaman filsuf Yunani Saisuak cando Aristoteles inggo abaik ka-19, filsafat alam malingkuangi astronomi, kadokteran, jo fisika.[12] Misanyo, Prinsip Matematika Filosofi Alam karya Newton pado taun 1687 di kudian ari diklasifikasikan sabagai buku fisika. Pado abaik ka-19, pakambangan riset universitas modern maantakan filsafat akademik jo disiplin lain nan alah takhususkan.[13][14] Pado maso kini, babarapo investigasi nan sacaro tradisional marupokan bagian dari filsafat alah manjadi disiplin akademik nan tapisah, babarapo diantaronyo psikologi, sosiologi, linguistik, jo ekonomi.
Sajak abaik ka-20, filsuf profesional bakontribusi pado masyarakaik utamonyo sabagai profesor, panaliti, jo panulih. Namun, banyak dari urang-urang tasabuik nan baraja filsafat dalam program sarjana atau pascasarjana bajariah dalam bidang hukum, jurnalisme, politik, agamo, sains, bisnis dan babagai kagiatan seni jo hiburan.[15]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.