From Wikipedia, the free encyclopedia
Baja, dikana juo sabagai logam paduan basi baja kareh (Bahaso Inggirih: Steel) adalah logam paduan, logam basi nan baguno sabagai unsur dasar diagiah dangan babarapo elemen lainnyo, tamasuak unsur karbon. Basi dapek tabantuak manjadi duo bantuak kristal yaitu Body Center Cubic (BCC) dan Face Center Cubic (FCC), tagantung dari tempratur panehnyo bilo dibuek. Dalam susunan bantuak BCC, ado atom basi ditangah-tangah kubus atom, dan susunan FCC mamiliki atom basi disatiok sisi pado anam sisi kubuih atom. Interaksi alotropi nan tajadi antaro logam basi dangan elemen pemadu, saparti karbon, nan mambuek baja dan basi tuang mamiliki ciri khas nan ado pado dirinyo.
Kandungan unsur karbon dalam baja bakisar antaro 0.2% hingga 2.1% dari berek kasaluruhan baja tasabuik sasuai grade-nyo. Elemen barikuik iko salalu ado dalam baja: karbon, mangan, fosfor, sulfur, silikon, dan sabagian ketek oksigen, nitrogen dan aluminium. Salain itu, ado elemen lain nan ditambahkan untuak pambedo karakteristik antaro baberapo jinih baja diantaranyo: mangan, nikel, krom, molybdenum, boron, titanium, vanadium dan niobium.[1]
Bilo variasinyo pado kandungan karbon dan unsua paduan lainnyo, babagai jinih kualitas baja dapek diambiak. Fungsi karbon dalam baja adolah sabagai unsua pangareh dangan mancagah dislokasi bageser pado kisi kristal dari atom payusun basi. Bilo indak ado karbon iko mako struktur kristal dari basi murni indak mamiliki resistensi antar atom dan akan saliang malewati satu samo lain, atau manjadi lunak. Baja karbon iko dikana sabagai baja hitam kareno bawarna hitam, banyak digunakan untuak paralatan pertanian misalnyo sabit dan cangkul.
Panambahan kanduangan karbon pado baja dapek maningkatkan kareh dan kakuatan tariknyo, namun di sisi lain mambueknyo manjadi getas saroto manurunkan keuletannyo.
Meskipun baja sabalunnyo talah diproduksi oleh pandai basi manggunakan tungku baka salamo ribuan tahun, panggunaannyo manjadi samakin batambah katiko metode produksi nan labiah efisien ditemukan pado abad ke-17. Dangan panemuan proses Bessemer di partengahan abad ka-19, baja manjadi material produksi massal nan mambuek harga produksinyo manjadi labiah murah. Kini, baja marupakan ciek dari material paliang umum di dunia, dangan produksi labiah dari 1,3 miliar ton tiok tahunnyo manggantikan basi tempa. Baja marupokan komponen utamo pado bangunan, infrastruktur, kapal, mobil, mesin, perkakas, dan sanjato.
Baja modern sacaro umum diklasifikasikan badasarkan kualitasnyo oleh babarapo lembaga-lembaga standar. Proses pamurnian lanjutan, saparti basic oxygen steelmaking (BOS), manggantikan sabagian bosegh metoda-metoda lamo dangan manurunkan biaya produksi dan maningkatkan kualitas produk akhia.