![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/2/21/Raiyani_muharramah_Biak_senyumku_2007.jpg/640px-Raiyani_muharramah_Biak_senyumku_2007.jpg&w=640&q=50)
Urang Biak
From Wikipedia, the free encyclopedia
Urang Biak adolah urang nan ado di Kabupaten Biak Numfor nan talatak di posisi 134deg 47' - 136deg 45' BT dan 0deg 55' - 1deg 27' LS, jo lueh wilayah 21.672 km2 (lueh daratan 3.130 km2 dan lueh lauik 18.442 km2). Bateh wilayah di sabalah utara jo Kabupaten Supiori, di selatan jo Selat Yapen, di barat jo Kabupaten Manokwari dan di timur jo Samudra Pasifik.[1]
Kawasa Byak, Er Byak | |
---|---|
![]() | |
Bahaso | |
Asli: Bahasa Biak, Lainnya: Bahasa Indonesia, Bahasa Belanda, Bahasa Inggris | |
Agamo | |
Mayoritas: Kristen, minoritas: Kepercayaan tradisional dan Islam |
![Thumb image](http://upload.wikimedia.org/wikipedia/commons/thumb/f/fb/Raiyani_muharramah_Biak_kampungku_2007.jpg/640px-Raiyani_muharramah_Biak_kampungku_2007.jpg)
![](http://upload.wikimedia.org/wikipedia/commons/thumb/7/76/Raiyani_muharramah_Biak_Kuhidup_dekat_rumahmu_2007.jpg/640px-Raiyani_muharramah_Biak_Kuhidup_dekat_rumahmu_2007.jpg)
![Thumb image](http://upload.wikimedia.org/wikipedia/commons/thumb/9/9d/Pulau_Owi_%28Padaido_Bawah%29.jpg/320px-Pulau_Owi_%28Padaido_Bawah%29.jpg)
Namo Biak surang diawali jaman pamarintahan Balando yaitu pado abad ke-17, urang Balando maagiah namo kepulauan Biak-Numfor jo sebutan Schouten Eilanden. Ado juo nan manyambatnyo jo Numfor atau Wiak. Fonem w pado kato wiak sabujurnyo barasa dari fonem v yang tu barubah jadi b sahinggo muncul kato Biak, sadangkan kato Biak-Numfor, jo tanda garisan mendatar di antaro duo kato itu sabagai tanda panghubung antaro duo kato itu, nan dipakai sacaro resmi untuak namonyo daerah dan panduduak nan mandiami pulau-pulau nan barado di sabalah utara Teluk Cenderawasih tu.
Katarangan carito lisan rakyat bantuak mite, nan mangaguangan kalau namonyo Biak datang dari warga klen Burdam nan maninggaan Pulau Biak akibat pertengkaran awak jo warga klen Mandowen. Manuruik mite itu, warga klen Burdam mamutuihan bajalanan maninggaan pulau Warmambo (namonyo asli pulau Biak) untuak manotap di suatu tampek nan lataknyo jauah sahinggo pulau Warmambo hilang dari pamandangan mato. Katiko inyo barangkek maninggaan pulau sesekali mancalik ka balakang inyo maliek pulau Warmambo masih nampak di ateh lauik.
Kondisi ko mambuek urang tu mangecek, v'iak wer', atau 'v'iak', aratinyo inyo tibo baliak. Kato v'iak ikolah nan kamudian dipakai dek urang-urang nan pai untuak namonyo pulau Warmambo. Namo Numfor barasa dari namo pulau dan kalompok panduduak asli pulau Numfor. Panggabungan namo Biak jo Numfor manjadi ciek namo dan pakananyo sacaro resmi tajadi pas tabentuknyo lembaga dewan daerah di kepulauan Schouten nan diagiah namo Dewan daerah Biak-Numfor pado tahun 1959.[2]