Urang Dayak Basap adolah ciek di antaro suku Dayak di Kalimantan Timua. Urang Dayak Basap tingga di padalaman hutan Kabupaten Berau, nan babatehan jo Kabupaten Kutai Timua.[1] Urang Basap mandiami daerah bagian hilia jo muaro Sungai Sembakung jo Sesayap, antaro lain di Kacamatan Nunukan, Bulungan, jo Sangkurilang di Kabupaten Bulungan, jo di Kacamatan Kutai di kabupaten Kutai.[2] Subagian rumah wargo Basap talatak di ujuang sabalah timua nyo Kalimantan Timua, yaitu Kampuang Taluak Sumbang, Pantai Berau, Kacamatan Biduk-Biduk. Wilayah iko alah ditinggali saindaknyo labiah dari 44 kaluargo nan tadiri dari 130 jiwo Urang Basap. Urang Basap dipakirokan barasa dari daratan Cino Salatan. Namun, mereka indak bakulik kuniang saroman urang Cino jo kabanyakan urang Dayak nan lain.[3]
 Kain nan bamotif batiak khas Dayak Basap | |
| Total populasi | |
|---|---|
| saindaknyo 130.000 jiwo | |
| Kawasan jo populasi nan signifikan | |
 IndonesiaKalimantan Timua Kabupaten Berau Kabupaten Kutai Timua | |
| Bahaso | |
| |
| Agamo | |
| Kalompok etnis takaik | |
|
Lagenda asa usua rang Basap iko barasa dari carito rakyaik tantang Aji Batara Agung Dewa Sakti nan mamarintah Karajoan Kutai Kartanegara. Beliau adolah pandiri karajoan nan manurunkan rajo-rajo Kutai Kartanegara. Manuruik carito, baliau mampunyoi saikua ayam sabuang nan salalu manang jiko balago jo ayam sabuang rajo-rajo Jawa jo Brunei. Bisa dikecekan Ayam sabuang nan banamo Ujung Perak Kemudi Besi punyo Rajo Kutai iko parnah mangalahkan ayam sabuang rajo-rajo di saluruah Nusantaro.
Kaparkasoan ayam jago Ujung Perak Kemudi Besi itu sampai juo ka tanah Cino. Saurang Pangeran Cino itu pai ka Kutai mambawo 15 ikua ayamnyo untuak diadu jo ayam Aji Batara agung Dewa Sakti. Salamo parjalanan ayam jago pangeran Cino itu diadu jo ayam sabuang rajo-rajo Campa, Sumatra, Jawa jo Brunai. Kasado ayam sabuang itu indak talok manandiangi ayam sabuang pangeran Cino. Sampai di Kutai Kartanegara, Pangeran Cino jo Aji Batara Agung Dewa Sakti sapakaik untuak maadu ayam jago itu tiok hari jo taruahannyo tiok ekor adolah 100 bungkah ameh nan sagadang lutuik jo sabutia barlian sagadang talua buruang daro.
Ayam jago rajo Kutai mudah se mangalahkan ayam jago Pangeran Cino. Kasado ayam aduan itu dikalahkan hinggo hari ka 14, Pangeran Cino pun kahabihan amehjo barlian untuak bataruah. Akhianyo Pangeran Cino mangajuakan taruahan tarakhia, yaitu wangkang (biduak gadang Cino) jo saluruah isinyo ka diagiah untuak Rajo Kutai jiko inyo kalah taruahan. Sabaliaknyo, jiko inyo nan manang Rajo Kutai harus manyarahkan Karajoan Kutai jo saluruah isinyo tamasuak sagalo kakayoan hutan nan tadapek di dalamnyo. Maskipun sempat ragu jo tawaran nan diraso indak satimpal itu, pado akhianyo Aji Batara Agung Dewa Sakti sang rajo pun manarimo tantangan itu.
Pangeran Cino jo Aji Batara agung Dewa Sakti baikrar untuak saliang manapekan janji jo indak ado nan bakhianat. Apobilo ado di antaro kaduonyo nan bakhianat mako akan mandapekan kutuakan dari Sang Hyang Dewata Rajo. Sasudah baikrar, kaduo ayam sabuang itu dilapeh ka galanggang pasabuangan. Hasia dari adu ayam itu mangajuikan Pangeran Cino karano ayam jagonyo mati dikalahlan dek ayam jago Ujung Perak Kemudi Besi. Namun, Pangeran Cino itu indak manapeki janjinyo lalu kabur pado saaik tangah malam manggunokan wangkak nan saharusnyo disarahkan ka Aji Batara. Inyo jo anak buahnyo pai ka hilia manuju muaro Sungai Mahakam masuak ka Salat Makasar. Mereka balayia sampai di Muaro Taluak Sangkulirang sabalah baraik Tanjuang Mangkalihat. Mangatahui hal itu Rajo Kutai indak manyuruah anak buahnyo mangaja Pangeran Cino itu, malainkan inyo (mangucapkan mantra) jo mangambuakan bareh kuniang sambia bakato, "Lamun aku benar benar kadang dewa rembesing madu, tusing kesuma, rajo yang disembah urang, keringlah awak laut yang mengelilingi wangkang, biar seumur hidup di tempat itu."
Saaik itu wangkang Pangeran Cino mamasuaki Taluak Sangkulirang, mereka balayia ka pinggia untuak mancari aia minum. Tanpo disangko-sangko, bahambuihlah angin putiang baliuang mangaliliangi wangkang, Katiko angin putiang baliuang baranti, sakonyong-konyong aia lauik di sakaliliang wangkang kariang jo wangkang kandeh di atehnyo. Sampai kini panduduak satampek picayo bahso batu mirip kapa itu barasa dari wangkang Cino. Tampek anak buah Pangeran Cino malabuah jangka disabuik Kampuang Jangka. Pangeran Cino jo anak buahnyo mamutuihkan untuak tingga di sakitar Sangkulirang. Babarapo waktu kamudian mereka bahubuangan jo panduduak asli di sinan, pacampuran kaduo banso iko kamudian dikanal jo sabuikan urang BASAP.[4]
Sajak dulu urang Basap hiduik jo maramu tanaman hutan jo baburu binatang. Mereka adolah pamburu-pamburu piawai. Sanjato mereka hanyolah sapotong sumpik nan disabuik suputan nan bantuaknyo mirip tombak. Sumpit nan tabuek dari kayu ulin iko panjangnyo sakitar 2,5 meter, sadangkan mato sumpitnyo atau telo hanyo 10 sentimeter. Di ujuang telo dilemakan ito (gatah sajanis tumbuahan nan sangaik baracun, racun iko sangaiklah kareh sahinggo dalam limo menik sajo hewan buruan bisa mati. Suputan bisa pulo dipakai untuak mamatiak karambia. Mereka bisa mambidiak karambia hanyo jo mato sumpik (tapi nan indak baracun), nan diambuihkan jo kacapekan tinggi.[3]
Bahaso Basap tadiri ateh duo dialek, yaitu bahaso Basap dialek [O] nan ditutuakan di dusun Sambakungan jo bahaso Basap dialek [U] nan ditutuakan di dusun Semurut. Persentase parbedaan kaduo isolek tasabuik 75%. Manuruik pangakuan panduduak, bahaso Basap standar tadapek di Kacamatan Loa Kulu, Kabupaten Kutai Kartanegara. Di wilayah iko, jumlah panutua relatif banyak jo sebaran wilayah tutua nan lueh. Pado umuamnyo, panutua bahaso Basap marupokan katurunan Cino nan manikah jo urang Punan. Akan tatapi, badasakan panghituangan dialektometri, isolek Basap jo Punan marupokan bahaso nan babeda jo persentase pabedaan di ateh 90%.
Badasakan hasia panghituangan dialektometri, isolek Basap marupokan sabuah bahaso jo persentase pabedaan bakisar 82%—93% jiko dibandiangkan jo bahaso-bahaso di sakitarnyo, misalnyo bahaso Basap jo bahaso Bulungan babeda 82%; jo bahaso Dusun 86%; jo bahaso Kenyah 87%; jo bahaso Pasir (Paser) 88%; jo bahaso Lundayeh 90,3%; jo juo bahaso Segaai 93%. [5]
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
