![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/3/38/Flag_of_Cape_Verde.svg/langmin-640px-Flag_of_Cape_Verde.svg.png&w=640&q=50)
Tanjuang Verde
From Wikipedia, the free encyclopedia
Tanjuang Verde, Cabo Verde, atau sacaro rasmi Republik Cabo Verde adolah sabuah nagara kapualauan nan barado di Afrika Barat di tangah Lautan Atlantik. Pulau ko tadiri dari sapuluah pulau vulkanik jo laweh daratan gabuangan sakitar 4.033 kilometer persegi (1.557 mil persegi).[1] Puluau tagadang adolah Santiago nan manjadi tampek ibu kotanyo, Praia.[2] Nagara ko babatehan laut jo Mauritania sarato Senegal.
![Thumb image](http://upload.wikimedia.org/wikipedia/commons/thumb/3/38/Flag_of_Cape_Verde.svg/640px-Flag_of_Cape_Verde.svg.png)
Tanjuang Verde adolah republik demokrasi perwakilan semi presidensial,[3] dimano Presiden adolah kapalo nagara sarato Pardana Mantari sabagai kapalo pamarentahan.[4][5] Badan legislatif dipacik dek Majelis Nasional unikameral nan tadiri dari 72 anggota untuak maso jabatan limo tahun.[4] Pado tahun 2020, nagara ko marupokan nagara nan paliang demokratis di Afrika, jo pado tahun 2023 manduduaki paringkek ka-45 di dunia, manuruik Indeks Demokrasi V-Dem.[6]
Tanjuang Verde mampunyoi panduduak 593.149 jiwa pado tahun 2022.[7] Sabagian gadang tingga di pulau utamo, Santiago.[8] Agamo utamo nan dianuik panduduaknyo iolah Kristen, utamonyo Katolik Roma.[9]