Tamoncik
From Wikipedia, the free encyclopedia
Tamoncik (terjemahan dari bahaso Inggirih: mouse, bahaso Indonesia: Tetikus) adolah parangkek panunjuak nan dipocik paguno untuak mamasuakkan data dan parintah ka dalam komputer salain jo papan katiak. Tamoncik dapek namo iko basobok kabel nan manjulua babantuak ajak ekua moncik.[1]
Bantuak tamoncik nan paliang umum punyo duo tombol utamo, masiang-masiang di sabalah kida ateh dan kanan ateh nan dapek ditokan. Tamoncik modern umumnyo lonkok jo tombol guluang nan dapek juo ditokan sabagai tombol katigo. Dek tu, komputer babasis Macintosh biasonyo manggunian tamoncik ciek tombol.
Tamoncik bakarojo jo manangkok garakan manggunoan bola nan manyantuah parmukoan kareh dan rato. Tamoncik nan labiah modern alah indak manggunoan bola lai, tapi manggunoan sinar optis untuak mandeteksi garak. Salain tu, ado pulo nan alah manggunoan teknologi nirkabel, baiak nan babasis radio, sinar inframerah, maupun bluetooth.
Kini, teknologi tabaru alah mamungkinkan tamoncik pakai sistem laser, mamungkinkan resolusi mancapai 2.000 titiak par inci (dpi) hinggo 4.800 titiak par inci. Biasanyo tamoncik model iko paguno dek panggamar parmainan video.