![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/0/08/Flag_of_Switzerland_%2528Pantone%2529.svg/langmin-640px-Flag_of_Switzerland_%2528Pantone%2529.svg.png&w=640&q=50)
Swiss
From Wikipedia, the free encyclopedia
Swiss atau sacaro rasmi Konfederasi Swiss adolah nagara takuruang daratan nan talatak di Eropa barat-tangah.[1] Nagara jo laweh 41.285 kilometer persegi ko babatehan jo Itali di selatan, Parancih di barat, Jerman di utara, sarato Austria jo Liechtenstein di timur.[2] Sacaro rasmi, nagara ko indak punyo ibu kota, namun sacaro de facto ibu kotanyo Bern.[3]
![Thumb image](http://upload.wikimedia.org/wikipedia/commons/thumb/0/08/Flag_of_Switzerland_%28Pantone%29.svg/320px-Flag_of_Switzerland_%28Pantone%29.svg.png)
Politik Swiss balansuang dalam karangko nagara federal jo demokrasi lansuang.[4] Pamarentahannyo dipacik dek Dewan Federal nan tadiri dari tujuah anggota nan dipiliah dek Majelis Federal.[5] Badan legislatif dipacik dek Majelis Federal nan tadiri dari Dewan Nasional jo Dewan Nagara.[6] Paradilan basifat independen dari eksekutif jo legislatif. Manuruik indeks Demokrasi V-Dem, Swiss pado tahun 2023 marupokan nagara demokrasi paliang parsipatif di dunia.[7]
Pado tahun 2023, panduduaknyo dipakiroan sabanyak 9 juta jiwa,[8] naiak dari tahun 2019 nan bajumlah 8,57 juta jiwa.[9] Manuruik World Factbook, kalompok etnisnyo iolah urang Swiss 69,2%, Jerman 4,2%, Itali 3,2%, Portugih 2,5%, Parancih 2,1%, Kosovo 1,1%, Turki 1%, lainnyo 16,7%.[10] Sabagian gadang panduduaknyo marupokan panganuik agamo Kristen.[11]