From Wikipedia, the free encyclopedia
Sri Temasek adolah rumah tapak balantai duo nan barado di kompleks nan samo jo Istana Presiden di Singapura. Bangunan iko ditagakan pado 1869. Awalnyo, Sri Temasek adolah rumah tampek kadiaman resmi Kepala Sekretaris (atau Sekretaris Kolonial) Singapura sangkek wilayah itu dijajah Britania. Sajak 1959, rumah iko manjadi kediaman resmi Perdana Menteri Singapura, tapi alun surang alah Perdana Menteri Singapura nan tingga di sinan. Pado 14 Februari 1992, Sri Temasek basamo Istana Presiden masuak dalam daftar Monumen Nasional Singapura.[2][3]
Sri Temasek | |
---|---|
斯里淡马锡 ஸ்ரீ தெமாசெக் | |
Sri Temasek pado 31 Januari 2006 | |
Informasi umum | |
Jinih | Rumah tampek tingga surang |
Lokasi | Newton, Singapura[1] |
Koordinat | 1°18′14.41″N 103°50′34.84″E |
Panyewa kini | Kadiaman resmi Perdana Menteri Singapura |
Salasai | 1869 |
Pamilik | Pamarintah Singapura |
Informasi teknis | |
Jumlah lantai | Duo |
Loweh lantai | 1,600 m2 (17,000 sq ft) |
Desain jo konstruksi | |
Arsitek | J.F.A. McNair |
Panghargaan | Panghargaan Arsitektur Cagar Budaya Urban Redevelopment Authority (2008) |
National Monument of Singapore | |
Ditatapkan: | 14 Februari 1992 |
Sri Temasek ditagakan pado tahun 1869, sangkek wilayah Singapura dijajah Britania. Sangkek itu, bangunan iko alun punyo namo. Inyo hanyo dikenal sabagai kadiaman resmi Kepala Sekretaris (atau Sekretaris Kolonial) Singapura. Dari 1869 hinggo 1959, sadoalah pejabat Kepala Sekretaris Singapura tingga di siko.[4]
Sasudah Singapura punyo pamarintahan surang pado 1959, Perdana Menteri Singapura patamo Lee Kuan Yew, nan mulai manjabaik pado bulan Juni, manjadian rumah iko sabagai kadiaman resmi. Sajak itu, barulah rumah iko diagiah namo resmi Sri Temasek.[5] Sri Temasek dalam bahaso Malayu makasuiknyo iyolah "kaagungan Temasek". Sri atau seri aratinyo "kajayaan"[6] atau "pusek paratian"[7] (sasuatu nan manarik paratian dek kasantiangan atau kaindahannyo; pusek daya tarik, minat, atau kakaguman).[8] Adopun Temasek, barasa dari bahaso Jawa nan aratinyo "kampung lauik", adolah namo saisuak Singapura. Kini, Temasek manjadi julukan untuak Singapura.[9]
Sampai kini, alun parnah ado Perdana Menteri Singapura nan manjadian Sri Temasek sabagai rumah kaluarga, dari Perdana Menteri Singapura patamo Lee Kuan Yew, kudian Lee Kuan Yew, sampai Lee Hsien Loong nan masih manjabek.[10] Pado 1998, dalam Lee Kuan Yew: The Man and His Ideas, Lee Kuan Yew manulih bahasonyo sangkek inyo manjadi Perdana Menteri pado tahun 1959, inyo jo istrinyo Kwa Geok Choo sakato indak tingga di Sri Temasek jo tigo anak mereka, nan masiang-masiang baumua tujuah, limo, jo duo tahun. Keluarga itu hanyo tingga sabanta di Sri Temasek pado tahun 1965 dek alasan kaamanan sangkek Singapura malapehan diri dari Malaysia. Walaupun biaut, Kwa katiko diwawancarai Straits Times pado 2000, manyabuik bahasonyo anak-anak Lee acok bamain di halaman rumah pado malam hari samentaro ayah mereka bamain golf.[11][12]
Lueh denah dasar Sri Temasek uyolah 1.600 meter persegi. Arsitekturnyo bacorak Asia jo Eropa. Pambangunan Sri Temasek sapaket jo Istano Singapura (kudian banamo Gedung Pamarintahan) nan dikarajoan sangkek pamarintahan Gubernur Negeri-Negeri Selat Sir Harry St. George Ord, sasudah kadiaman gubernur usali dibongka pado tahun 1859 untuak maagiah jalan ka Benteng Fort Canning.[13] Desain Sri Temasek dirancang dek John Frederick Adolphus McNair (1829–1910), saurang insinyur sipil nan ditunjuak sabagai Insinyur Eksekutif jo Pengawas Narapidana dari Parmukiman Selat. Hampiang sado tanago karajo nan dikarahan adolah narapidana India dari Bencoolen. Pembangunan Sri Temasek jo Istano Singapura salesai pado tahun 1869.[13][10][14]
Sri Temasek sempat indak diuni salamo batahun-tahun sahinggo babarapo bagian rumah manjadi rusak.[11] Rumah iko dipelokan pado 2006 jo 2008 dek Konsultan CPG di bawah pangawasan arsitek Maureen Soh. Renovasi iko manuka struktur kayo nan rusak pado langkan rumah jo alumunium paduan tuang (aluminium-cast alloy). Bantuak detail dari langkan, pintu, jo jandela dipajaleh, samantaro lantai kayu nan lah tangga dipasang baliak. Pamelokan Sri Temasek ko mandapek apresiasi dari Urban Redevelopment Authority barupo Panghargaan Arsitektur Cagar Budaya Kategori A pado 2008.[10]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.