San Marino atau sacaro rasmi Republik San Marino[1][2] adolah sabuah nagara mikro nan barado di Eropa, dikaliliangi dek Itali.[3] Talatak di sisi timur laut Pagunuangan Apennine, iko adolah nagara taketek kalimo di dunia,[4] jo laweh daratannyo hanyo 61 km2. Namo nagara ko barasa dari namo tukang batu zaman Romawi di Kroasia kini, Saint Marinus, nan lahia pado tahun 275 M. Marinus mandirian kominitas di Monte Titano pado tahun 301 M. Dek karano itu, San Marino mangaku manjadi nagara badaulaik tatuo di dunia.[5]
Pamarentahan San Marino barado dalam karangko republik demokrasi perwakilan parlementer jo sistem multi partai; nan mano Wali Kapten batindak sabagai kapalo nagara.[6] Walaupun indak ado kapalo pamarentahan sacaro rasmi, sekretaris urusan lua nagara jo politik adolah urang nan satara jo pardana mantari di nagara lain.[7] Kuaso legislatif dipacik dek pamarentah samo Dewan Aguang jo Umum nan bajumlah 60 urang. Kuaso yudikatif independen dari eksekutif jo legislatif.[8]
Panduduak San Marino bajumlah 33.896 jiwa manuruik pakiroan tahun 2023. Dari jumlah tu, 28.226 punyo kewarganegaraan Sammarina, sadangkan 4.881 lainnyo kewarganegaraan Itali, jo 789 labiahnyo kewarganegaraan nagara lainnyo.[9] Manuruik laporan kabebasan baagamo di nagara ko pado tahun 2021, 91,5% panduduaknyo Kristen, 5,6% agnostik, 1,9% ateis, jo 1% lainnyo.[10]
Rujukan
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
