From Wikipedia, the free encyclopedia
Samananjuang Korea adolah samananjuang di Asia Timur, nan mamanjang kiro-kiro 1.100 kilometer ka arah salatan daratan Asia kontinental sampai ka Samudra Pasifik sarato dikalilingi dek Laut Jepang (di Korea tanamo jo "Laut Timur") di timur, Laut China Timur di selatan, jo Laut Kuning di barat. Samananjuang Korea kini ko tabagi manjadi duo negara: Korea Selatan jo Korea Utara. Sabalum papacahan nan mambantuak kaduo negara ko sasudah salasainyo Parang Dunia II, Korea adolah sabuah entitas politik tungga salamo baabad-abad lamonyo nan wilayahnyo mancakup wilayah kiro-kiro di sakitar Samananjuang Korea.[1]
Bateh Samananjuang Korea di utara umumnyo dianggap sabagai bateh politik antaro Korea Utara jo Republik Rakyat Tiongkok (1.416 km) jo Rusia (19 km). Bateh iko tabantuak sacaro alami melalui Sungai Yalu (Amnok) jo Sungai Tumen. Dari definisi iko, Samananjuang Korea punyo lueh kiro-kiro 220.000 km².
Sabanyak 70 persen wilayah Samananjuang Korea adolah pagunungan jo tanah nan bisa diusahokan untuak lahan pertanian lebih kecil. Jajaran pagunungan babarih di wilayah sabalah utara jo timur, jo puncak paliang tinggi adolah Gunung Baekdu (2.744 m) di wilayah nan babateh jo Republik Rakyat Tiongkok.
Panjang garih pantai Samananjuang Korea adolah 8.460 kilometer, di mano bantuaknyo nan indak rato jo punyo banyak taluak nan basobok di salabah salatan samanajuang. Pulau-pulau ketek nan kiro-kiro sabanyak 3.579 di mano sabagian banyak ado di wilayah selatan jo barat samananjuang.
Indak ado gunuang berapi aktif di Samanjuang Korea. Gunung Baekdu jo Halla alah lamo indak aktif. Di sapanjang samananjuang iko banyak pulo basobok aia angek.
Iklim Samananjuang Korea babeda jauah dari wilayah utara sampai ka selatan. Wilayah selatan punyo iklim nan relatif hangek jo basah sarupo kepulauan Jepang. Hal iko disababkan dek arus hangek takah Arus Hangat Korea Timur (East Korea Warm Current). Samananjuang Korea sabalah utara mahadoki iklim nan labiah dingin jo dipangaruhi dek iklim dari daratan Asia, samo sarupo di Manchuria. Curah hujan rato-rato per tahun di lambah Sungai Yalu mancapai 600 mm, labiah saketek dibanding rato-rato curah hujan tahunan di wilayah pasisia sabalah selatan, yaitu 1500 mm[1]. Salain itu ado beda 20 °C pado bulan Januari (musim dingin) antaro bagian utara jo selatan.
Kasado bagian samanajuang pado umumnyo dipangaruhi dek pola iklim nan samo, sarupo monsoon Asia Timur di patangahan musim hangek jo kadang-kadang tajadi topan di musim gugua. Sabagian gadang hujan jatuah di bulan-bulan musim panas. Musim dingin di situ paliang dingin jo suhu rato-rato di bulan Januari di bawah minus derajat selsius, kecuali di Pulau Jeju. Sabagian gadang wilayah samananjuang ado hujan salju pado musim dingin.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.