Puncak Adam

Puncak Adam (atau Gunuang Adam; Sinhala Samanalakanda - සමනළ කන්ද "gunuang kupu-kupu", Tamil Sivanolipatha Malai - சிவனொலி பாதமலை atau Bawa Adam Malai - பாவா ஆதம் மலை - artinyo Gunuang Bapak Adam), tingginyo 2,243 meters (7,359 ft) talatak di tangah-tangah pulau Sri Lanka. Gunuang iko tanamo juo sabagai Sri Pada "tapak kaki suci", marujuak wujuik batu nan punyo lakuak sarupo jajak kaki sapanjang 1.8 meter di ateh puncak gunuang. Manuruik pamahaman urang Buddha, kasan jajak kaki itu dianggok sabagai jajak kaki Buddha, samantaro dalam tradisi Hindu dianggap sabagai kasan jejak kaki dewa Syiwa sarato bagi panganuikIslam jo sabagian urang Yahudi dan Kristen dianggap sabagai kasan tapak kaki Adam katiko awa inyo dihukum diturunkan ka bumi karano parintah Allah.

Puncak Adam
Sri Pada, Adam's Peak
Puncak Adam tampak dari kajauahan
Katinggian	2,243 m (7,359 ft)
Lokasi
Latak	Provinsi Sabaragamuwa, Sri Lanka
Jajaran	Pagunuangan Samanala
Koordinat	06°48′41″N 80°29′59″E

Geografi

Gunuang iko talatak di bagian selatan Pegunungan Tangah Sri Lanka, di daerah Ratnapura, Provinsi Sabaragamuwa - kiro-kiro 40 km timur lauik kota Ratnapura. Sakitar daerah iko adolah hutan labek jo babukik, sarato gunuang-gunuang nan ukurannyo hampia samo gadang. Daerah di sakaliliang gunuang adolah tampek hiduik binatang lia, di antaronyo gajah, harimau jo babarapo spesies endemik lainnyo.

Medan

Untuak jalan mandaki gunuang, pandaki musti malalui 6 medan pandakian (Ratnapura-Palabaddala, Hatton-Nallathanni, Kuruwita-Erathna, Murraywatte, Mookuwatte & Malimboda). Medan Nallathanni & Palabaddala marupoan medan pandakian nan cukuik  tanamo. Jalan Kuruwita-Erathna kadang-kadang ikuik tanamo pulo. Tigo medan nan lain jarang dilalui. Satiok medan biasonyo batamu di medan dakian Palabaddala di patangahan nan manjadi 1 medan sajo untuak manuju ka puncak. Rute Busnan ado adolah Nallanthanni ka Hatton, Palabaddala ka Ratnapura & Erathna ka Kuruwita. Agak susah untuak manaruihkan pajalanan di dalam hutan hanyo bajalan kaki. Kabanyakan dari pangunjuang hanyo akan malalui pajalanan jo jalan kaki lewat medan Hatton, iko untuak mamendekan jarak labiah dari 5 kilometer, walaupun medan iko punyo lereang nan labiah curam dibandiangkan medan nan lain.

Panamoan

Gunuang iko punyo nilai sijarah di banyak kalangan masyarakaik nan tingga di sakaliliang pagunuangan, makonyo ado banyak mitos nan digunoan untuak tampek iko misalnyo:-

Sri Pada, dari bahaso Sanskerta, nan digunoan urang Sinhala dalam kaagamoannyo. Namo iko juo dipahami di Pāli, dan mungkin diartian sacaro kasa sabagai "jajak kaki suci", marujuak jajak kaki nan tadapek di puncak gunuang iko, nan dipicayoi sabagai jajak kaki pandiri ajaran Buddhisme. Tradisi lain nan cukuik tanamo lainnyo adolah jajak kaki Nabi Adam, manusia patamo nan diturunkan ka dunia dek Allah, sabagai Nabi dan Rasul partamo bagi umaik Islam, Kristen jo Yahudi.

Shivanolipatha Malai jo Shiva padam adolah duo namo dalam bahaso Tamil nan punyo arti sarupo, tapi kaduo-duonya marujuak ka jajak kaki dewa Syiwa dalam pandangan umaik Hindu, babeda jo pandangan umaik Buddha.

Namo gununag iko dalam bahaso Sinhala adolah Samanalakanda, marujuak ka dewa Saman, nan manuruik carito panah tingga di gunuang iko jaman dahulu, atau marujuak ka kupu-kupu (samanalayā) nan acok datang ka gunuang iko wakatu musim migrasinyo ka wilayah iko.

Namo bersijarah lain manuruik panduduak satampek adolah Ratnagiri ("bukik parmato"), Samantakuta ("Puncak Saman"), Svargarohanam ("mandaki ka sarugo"), Gunuang Rohana jo variasi turun-tamurun Rohana.

Gunuang Suci

Bayang-bayang di sabalah barat

Kampuang Maskeliya nan talatak di kaki gunuang, tampek awal mandaki ka Puncak Adam

Puncak Adam alah lamo tasabuik sabagai salah satu jajak suci bagi umaik agamo Buddha, Hindu, Islam, Kristen jo Yahudi. Inyo dianggap sabagai patunjuak nan labiah khusus takaik jo adonyo jajak kaki suci nan ado di puncaknyo sarato sijarah nan marupokan tampek nan pernah dikunjuangi banyak pangunjuang jo pangambara tanamo maso lalu. Di awa taun 1910, Encyclopædia Britannica menyabuikan^[1]

Untuak maso nan lamo Puncak Adam manjadi gunuang nan paliang tinggi di Ceylon, tapi manuruik kajian jo hituangan ketinggian, mako tingginyo hanyo 7353 kaki dari muko lauik. Puncak iko alah jadi tampekt nan cocok untuak dijadian resor untuak jalan-jalan dari sabagian tampek di bagian timur. Ciek batu bolong mulia nan ado di puncak gunuang disabuik sabagai jajak kaki dewa Syiwa bagi umaik Hindu, bagi umaik Buddha iko dianggap jajak kaki Buddha, bagi umaik Islam dianggap sabagai jajak kaki Nabi Adam a.s., samantaro bagi umaik Kristen Portugis, dianggap sabagai duo konflik tuntutan nan babeda, ciek sabagai jajak kaki Santo Thomas ciek lai dianggap sabagai jajak kaki dari Candace, ratu Habsyah. Jajak kaki iko dilatakan di bawah atok nan kuek, jo dijago pendeta nan tingga di wihara seaitar sataengah pajalanan ka ateh gunuang, inyo jadi panjagao makam nan ado di puncak gunuang.

Caliak pulo

• Petrosomatoglyph

Rujuakan

1. Chisolm, Hugh (1910). The Encyclopædia Britannica (Vol. 5). University press. p. 778. http://books.google.com/books?id=KjUEAAAAYAAJ.

Pautan lua

• Sri Pada or Adam's Peak web site
• Sri pado: Buddhism's most sacred mountain^{[pranala nonaktif permanen]}
• Sri Pada - The holiest of the holy hills Archived 2009-06-03 di Wayback Machine.
• Adam's Peak - Sri Pada Archived 2012-09-05 di Wayback Machine.
• Mountains of Sri Lanka - Sri pado Archived 2016-09-28 di Wayback Machine.
• Trail Guide: Rathnapura Palabathgala Trail to Sripada Archived 2010-04-12 di Wayback Machine.
• Trail Guide: Kuruwita Erathna Trail to Sri Pada Archived 2010-07-11 di Wayback Machine.