Pulau Samosir
From Wikipedia, the free encyclopedia
From Wikipedia, the free encyclopedia
Pulau Samosir adolah pulau vukanik nan barado di Danau Toba, Sumatera Utara. Sacaro administratif, Pulau Samosir tamasuak dalam Kabupaten Samosir nan tabagi ka dalam sambilan kecamatan. Danau jo pulau tabantuak dari erupsi supervulkanik pado kiro-kiro 75.000 taun nan lalu.[2] Pulau iko mulonyo samanjuang nan taubuang ka daratan sakitaran danau malalui dataran ketek nan kudian dikali manjadi Kanal Tano Ponggol pado taun 1907.
Nama satampek: Pulo Samosir (Batak) | |
---|---|
![]() Samosir di tangah Danau Toba | |
Geografi | |
Lokasi | Asia Tenggara |
Koordinat | 2°35′N 98°49′E |
Area | 630 km2 (243 sq mi) |
Nagara | |
Indonesia | |
Demografi | |
Populasi | 108.869[1] |
Kapadatan | 172,8 /km2 (4.475 /sq mi) |
Samosir marupokan pulau tangah danau paliang gadang di dunia jo laweh 630 kilometer persegis (243 sq mi).[3] Di pulau iko juo ado duo danau nan labiah ketek, yaitu Danau Sidihoni jo Danau Aek Natonang. Di subarang danau dari timur pulau, ado tanjuang nan banamo Tanjuang Uluan. Pulau iko taubuang jo daratan utamo Sumatera di sisi baratnyo malalui daratan sampik nan maubuangkan Kota Pangururan di Samosir jo Tele di Sumatera. Tele dianggap sabagai tampek paliang rancak untuak maninjau Danau Toba jo Pulau Samosir.
Samosir tanamo sabagai tujuan wisata di Sumatera. Pulau iko juo manjadi pusek budayo Batak dan banyak rumah adat Batak nan taseba di pulau iko. Panginapan-panginapan untuak palancong tapusek di daerah Tuktuk, nan talatak sajauah sajam panyubarangan kapa feri dari kota Parapat. Panompang kapa feri dapek manyubarang di Palabuahan Tiga Raja satiok jam antaro jam 8.30 jo 19.00. Untuak nan talambek manyubarang dapek pulo manaiaki kapa capek dari Aji Bata ka Tomok sampai jam 20.30.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.