Nagari
From Wikipedia, the free encyclopedia
From Wikipedia, the free encyclopedia
Nagari adolah suatu wilayah nan mampunyoi susunan kapamimpinan jo panagak hukumnyo tasandiri. Manuruik adaik Minangkabau, nagari adolah pamukiman nan samparono, nan lah ado mamiliki balai adaik, musajik, lapangan tabukak, tampek mandi umum, jo jalan rayonyo surang. Suatu nagari biasonyo dikuliliangi jo tanah pasawahan miliak panduduaknyo.[1]
| Pambagian administratif Indonesia |
|---|
 |
| Tingkek provinsi |
|
Provinsi |
| Tingkek kabupaten/koto |
|
Kabupaten • Koto |
| Tingkek kecamatan |
|
Kecamatan • Distrik |
| Tingkek kemukiman |
|
Mukim (khusus Aceh) |
| Tingkek kelurahan/desa |
|
Kelurahan • Desa • Nagari |
| Caliak pulo |
|
Jorong • Banjar • Dusun |
| sunting |
Sacaro etimologi kato nagari ba asa dari Bahaso Sanskerta nagarom nan ba arti tanah air, tanah asa, atau tanah kalahiran. Bantuak lain dari kato tu antaro lain negara, negeri, nagori, nogori.
Bahalaman-bapamedanan adolah pangaturan rukun tetangga, alek gadang, jo pamainan.[2] Dalam hal pangaturan rukun tetangga, halaman disamoan jo kondisi sarato hubuangan antaro sasamo sanak sudaro, tetangga jo kaum karabaik. Jadi parumpaannyo, kok rumah tu punyo halaman nan rancak jo damai baakibaik pado parangai sanak sudaronyo dalam baubuangan jo dunia lua.
Salanjuiknyo, bapamedanan adolah tampeknyo anak-anak nagari untuak manunjuakkan kasenian di arena pamainan. Zaman saisuak, di satiok nagari ado arena bapamedanan, nan disabuik jo medan nan bapaneh. Guno dari bahalaman adolah untuak manghalangan jarak pandang urang lua taradok masalah nan sadang dirasoan sabuah keluarga, karano halaman acok ditanam jo tumbuah-tumbuahan sabagai pambateh, jo sabagai arena pambateh aktivitas untuak anak padusi. Aratinyo, bateh anak padusi bakawan hanyo sabateh halaman sajo. Paguno bana fungsi tu dari bahalaman untuak sabuah rumah, mako bahalaman manjadi ciek syaraik untuak managakkan sabuah nagari di Minangkabau. Manjadi tampek bamain untuak anak-anak, halaman acok juo dijadian tampek berinteraksi jo kawan-kawan sapamainan sainggo muncua pamainan nan basifaik kreatifitas, adu kapandaian, mamupuak raso saba, mauji nan sabananyo jo manjalin raso kabasamoan antaro anak-anak.[3]
Sistem kanagarian alah ado sabalun kamerdekaan Indonesia. Kerajaan Pagaruyung pado dasarnyo marupoan konfederasi nagari-nagari nan barado di Minangkabau. Kamungkinan gadang sistem nagari juo alah tabantuak sabalun Adityawarman managakan karajaan tersebut.
Terdapat duo aliran gadang dalam sistem pamarentahan nagari di Minangkabau yakni Koto Piliang dan Bodi Caniago nan kaduonyo mampunyai kamiripan dengan pamarietahan polis-polis pado maso Yunani kuno.[4] Salain dipengaruhi dek tradisi adat, struktur masyarakaik Minangkabau juo diwarnai dek pangaruah agamo Islam, dan pado suatu maso pernah muncul konflik akibaik partikaian kaduo pangaruh iko, nan kudian dapek disalasaian dengan manyarasikan kaduo pangaruah tersebut dalam konsep Adaik basandi Syarak, Syarak basandi Kitabullah.[5]
Nagari marupoan unik pamukiman nan paliang samparono nan diakui dek adaik, nagari punyo teritorial sarato batehnyo dan mampunyai struktur politik jo aparat hukum surang, salain itu babarapo kalangkapan nan mesti ado dek suatu pamukiman untuak manjadi nagari di antaronyo adolah adonyo balai adaik, musajik, sarato ditunjang dek areal persawahan.[6] Limo komponen utamo pado nagari adaloh balabuah (jalan), batapian (tempat pamandian), babalai (balai pertemuan), bamusajik, jo bagalanggang (alun-alun).[7]
 |
Ado kategori tantang Nagari di Wikimedia Commons |
 |
Ado naskah sumber nan bakaitan jo
Undang-Undang Republik Indonesia Nomor 32 Tahun 2004 di Wikisource |
|
Ado naskah sumber nan bakaitan jo
Peraturan Pemerintah Republik Indonesia Nomor 72 Tahun 2005 di Wikisource |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
