![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/d/d1/Emblem_of_Muhammadiyah.svg/langmin-640px-Emblem_of_Muhammadiyah.svg.png&w=640&q=50)
Muhammadiyah
From Wikipedia, the free encyclopedia
Muhammadiyah (bahaso Arab: محمدية, pangikuik Muhammad; namo langkok: Persyarikatan Muhammadiyah) adolah sabuah organisasi Islam nan gadang di Indonesia.[1] Organisasi ko lah tagak sajak taun 1912 dek Ahmad Dahlan di Kota Yogyakarta sabagai gerakan pambaruan di bidang sosial jo agamo nan mandorong tajalannyo kahidupan baragamo nan sasuai jo Al Quran sarato Sunnah (manantang sikap taqllid, katunduakan anyo kapado pandapaik ulama).[2] Sajak pandiriannyo, Muhammadiyah alah maadopsi pambaruan di bidang pandidikan agamo[3], tujuannyo untuak manampilan Islam nan dinamis sarato mamurnian baliak ajaran Islam nan salamo ko dianggap bacampua baua jo budayo satampek.[3] Muhammadiyah juo mandorong tajalinnyo toleransi anta umaik baragamo di Indonesia, sainggo banyak paserta didiak di lembaga pandidikan miliak Muhammadiyah nan dari non-Muslim, utamonyo di Nusa Tenggara Timur jo Papua. Organisasi ko juo manjalanan amal-usaho babantuak rumah sakik[1] sarato 128 universitas pado akhia 1990.[4]
![]() Logo Muhammadiyah | |
Pambantuakan | 8 Dzulhijjah 1330 (18 November 1912) |
---|---|
Jinih | Organisasi Masyarakaik Islam |
Tujuan | Agamo, pandidikan, jo sosial |
Kantua pusek | 1. Jl. Cik Dik Tiro, Kota Yogyakarta, DIY, Indonesia 2. Jl. Menteng Raya, Jakarta Pusat, DKI Jakarta, Indonesia |
Wilayah layanan | Indonesia |
Kaanggotaan | 50 juta |
Katua Umum | Dr. KH. Haedar Nashir, M.Si. |
Laman web | Situs web rasmi Muhammadiyah |
Muhammadiyah marupokan organisasi Islam paliang gadang kaduo di Indonesia jo 29 juta anggota.[2] Walaupun pimpinan Muhammadiyah jo anggotanyo banyak nan talibaik aktif dalam kagiatan politik di Indonesia, Muhammadiyah bukanlah partai politik. Organisasi ko bafokus pado manjalanan padok sosial jo pandidikan.